Харин өнөөдөр /2023.03.22/ Японы ерөнхий сайд Кишида Польш улсад айлчилж байна. Айлчлалын хүрээнд Польшийн төр засгийн тэргүүн нартай бүс нутгийн аюулгүй байдал болон хоёр талын эрчим хүч, технологийн салбарын хамтын ажиллагааг өргөжүүлэхээр хэлэлцсэн байна. Польшийн засгийн газар Хятадын даргын Оросд хийсэн айлчлалыг холбоотны тэнхлэг үүсгэлээ гэж тодорхойлж байна. Польш бол Украины хөрш бөгөөд дайны үед гол холбоотон болж байгаа улс. Энэ үүднээсээ Орос, хятадын ойр харилцааны сөрөг үр дагаврыг хамгийн их мэдрэн гэж болгоомжилж байна.

Японы хувьд Украин руу олон улсын тусламжийг дамжуулах маш чухал үүрэг гүйцэтгэж байгаа Польшийг дэмжиж, цаашид дэмжлэгээ нэмэгдүүлэхийн зэрэгцээ төсөл хөтөлбөрийн хүрээг тэлэх бодолтой байгаагаа илэрхийллээ.

Польш улс нь батлан хамгаалах болоод хүмүүнлэгийн тусламжийг дамжуулах гол төв болж, Хөрш Укрианд улс төрийн хүчтэй дэмжлэг үзүүлж байгаа улс юм. нөгөө талаар Украины хөрш улсын хувьд өөрийн аюулгүй байдлын орчноо бэхжүүлэх бодлого барьж, өрнөдийн холбоотнуудтай идэвхтэй дипломат ажиллагаа өргүүлж байгаа юм.