Олон улсын атомын энергийн агентлаг Украин дахь цөмийн аюулгүй байдал, одоогийн нөхцөл болоод дэлхий даяар цөмийн зэвсгийг түгээн дэлгэрүүлэхэд тулгарч буй гол сорилтуудын талаар мэдээллээ.

Олон улсын атомын энергийн агентлагийн ерөнхий захирал Рафаэль Гросси Лхагва гарагт Украины цөмийн аюулгүй байдал, аюулгүй байдлын нөхцөл байдлыг зохицуулах Олон улсын атомын энергийн агентлагийн хүчин чармайлт, дэлхий даяар цөмийн зэвсгийг түгээн дэлгэрүүлэхэд тулгарч буй гол сорилтуудын талаар хэлэлцлээ. Украин дахь Запорожиын АЦС ОХУ-Украины дайны үеэр аюулд өртөж, хэдэн сарын турш үйл ажиллагаа нь зогсоод байгаа юм. Европын хамгийн том атомын цахилгаан станцад тооцогддог Запорожид гадаад эрчим хүчний нөөц эх үүсвэрээ дахин алдсан асуудал үүсжээ. Түүний зургаан реакторт цөмийн түлшийг хөргөх эрчим хүч шаардлагатай хэвээр байгаа юм байна. Лхагва гарагт мэдээлсэнээр одоо зөвхөн үндсэн эх үүсвэрт л найдаж байна гэж мэдэгдлээ.

Олон улсын атомын энергийн агентлагийн ерөнхий захирал Рафаэль Гросси хэлэхдээ Украин бол цөмийн эрчим хүчнээс ихээхэн хамааралтай улс. Тэдний хэрэглэж буй эрчим хүчний 50%-ийг цөмийн эрчим хүчнээс авдаг бөгөөд үүний 50%-ийг нь Запорожийн станц нийлүүлдэг байжээ.

Одоо энэ хувь 20 хувьд хүрч буураад байгаа юм байна. Түүнчлэн УКраинд өөр гурван атомын станц байдаг тэднийг мөн шалгаж байна. Одоо бид техникийн албаныхантайгаа энэ бүх цөмийн байгууламжид хяналт тавьж ажиллаж байна хэмээн мэдэгдлээ. Украинаас гадна Ирак зэрэг дайны дараах улс орнуудад мөн анхаарал хандуулан ажиллах шаардлагатайг энд дурдлаа.