Тайванийн ерөнхийлөгч АНУ-д айлчилсны дараа тус арлын эргэн тойронд БНХАУ томоохон хэмжээний цэргийн сургуулилалт хийлээ. Энэ үйл явдлыг зарим гадны улс орон шүүмжлэлтэй хандаж байгаагаа илэрхийлсний дараагаар Хятадын гадаад хэргийн яамнаас дээрх сургуулилалтыг хамгаалсан мэдэгдэл хийжээ.

Тус яамны хэвлэлийн төлөөлөгч Ван Вэнбинь өдөр тутмын хэвлэлийн бага хурал дээр “Энэ сургуулилалт бол Тайванийн тусгаар тогтнолын төлөөх салан тусгаарлагчид болоод гадны хүчнийхний тохиролцоо, өдөөн хатгалга, үндэсний бүрэн эрхт байдал, нутаг дэвсгэрийн бүрэн бүтэн байдлыг хамгаалахад зайлшгүй шаардлагатай арга хэмжээ юм гэж тодорхойллоо. Өнгөрсөн долоо хоногийн Баасан гарагт Бээжин тус сургуулилалтыг 3 өдрийн турш зохион байгуулахаа зарлаж, энэ нь байлдааны бэлэн байдлаа харуулах зорилготойг мэдээлсэн.

Энэ үеэр Тайваний батлан хамгаалах яамнаас Арлын эргэн тойрны бүсэд Хятадын армийн байлдааны 70 онгоц, 11 хөлөг онгоц илэрсэн гэж мэдээлсэн юм. Энэ сургуулилалттай холбогдуулан Вашингтоны зүгээс Хятадыг тэвчээртэй байхыг уриалсан. Үүний дараа БНХАУ-ын гадаад хэргийн яамнаас мэдэгдэл хийж, Гадны орнуудын албан тушаалтнууд болон арлын ардчилсан засгийн газар хоорондын харилцаа нь албан ёсоор тусгаар тогтнолыг хүсэж буй Тайванчуудыг хөхүүлэн дэмжиж буй алхам юм гэжээ. Тэрээр хэлэхдээ Олон улсын хамтын нийгэмлэг Тайванийн асуудлын мөн чанарыг бүрэн ойлгож, нэг Хятадын зарчмыг тууштай баримталж, Тайванийг тусгаар тогтнохын төлөөх салан тусгаарлагчдын үйл ажиллагааг эрс эсэргүүцнэ гэж найдаж байна. Тайванийн тусгаар тогтнол нь Тайванийн хоолойн энх тайван, тогтвортой байдалд нийцэхгүй байна. Хэрэв бид Тайванийн хоолойд энх тайван, тогтвортой байдлыг хадгалахыг хүсэж байгаа бол Тайванийг тусгаар тогтнохын төлөөх салан тусгаарлагчдын бүхий л хэлбэрийн үйлдлийг тууштай эсэргүүцэх ёстой." Юм гэжээ. Түүний мэдэгдэлд мөн Энэтхэгийн Дотоод хэргийн сайд Амит Шахыг тус улсаас өмнөд Төвд гэж тодорхойлдог Аруначал Прадеш мужид айлчлахыг эсэргүүцэж байгаагаа илэрхийлжээ. Энэ айлчлал нь Хятадын нутаг дэвсгэрийн бүрэн эрхийг зөрчиж, хилийн бүс нутагт энх тайван, тогтуун байдал тогтооход саад болж" байна гэж Ван Вэнбинь мэдэгдсэн байна.