Японы Батлан хамгаалахын сайд Хамада Ясуказу Умард Солонгосын баллистик пуужингийн хөөргөлтөд бэлэн байдлаа хангах арга хэмжээ авахыг Өөрийгөө хамгаалах хүчиндээ тушаажээ.

 

Пхеньяныг цэргийн тагнуулын анхны хиймэл дагуул хөөргөхөөр сүүлийн шатны бэлтгэлээ базааж байгаа тухай умардын хэвлэлүүдийн лхагва гарагийн мэдээлэлд холбогдуулж Японы сайд энэ тушаалыг буулгасан байна. Хиймэл дагуулыг баллистик пуужингийн технологи ашиглан хөөргөх боломжтой. Умард Солонгос улс өмнө нь 2012, 2016 онуудад баллистик пуужин харваснаа хиймэл дагуул хөө зорилготой байсан гэж мэдэгдэж байсан удаатай. Харин тэдгээр пуужин нь Японы урд талын Окинава мужийн Сакишима аралд ойрхнуур нисэж байжээ. Тиймээс японы БХЯ-ны сайдын бямба гарагт буулгасан тушаалын ёсоор, ус улсын Өөрийгөө хамгаалах хүчин газарт байршилтай ПАК-3 амдан сөнөөгч системийг ажиллуулдаг анги нэгжүүдээ Окинавад байрлуулах болж байна. Батлан хамгаалахын сайд тэрчлэн, сүүлийн үеийн дэвшилтэт радарын систем болон амдан сөнөөгч пуужин бүхий "Иижэс" системээр тоноглогдсон эсминец онгоцуудаа бэлэн байдалд оруулахыг Өөрийгөө хамгаалах хүчний усан цэргийн албаныханд даалгажээ. Окинава мужийн нутагт аливаа биет унаж сүйдэл учруулах эрсдэлийг бууруулахад чиглэсэн арга хэмжээ авахыг Хуурай замын хүчнийхэндээ мөн даалгасан байна. Умард Солонгос улс НҮБ-ын Аюулгүйн зөвлөлийн тогтоолыг зөрчиж баллистик пуужин ахин хөөргөх нөхцөлд 2016 оны хоёрдугаар сараас хойших анхных нь болно гэж Эн-Эйч-Кей мэдээлж байна.