Бразил улсын Сан Пауло мужийн үйлдвэрт Шведийн эф-39 загварын сөнөөгч онгоцыг угсарч, үйлдвэрлэх шугам нээж байна. Шведийн үйлдвэрлэгч Сааб, Бразилын агаарын хүчний хооронд байгуулсан гэрээний дагуу энэ үйлдвэрт 2027 он гэхэд 36 сөнөөгч онгоц угсарч, гаргах юм байна.

4,7 тэрбум ам.доллараар хэрэгжих энэхүү хамтын ажиллагаа нь Швед улс эф-39 загварын сөнөөгчөө анх удаа хилийн чанадад үйлдвэрлэж, Бразил нь гадны улсын сөнөөгч онгоцны эд анги, сэлбэг хэрэгслийг газар нутаг дээрээ үйлдвэрлэн, угсарч гаргах боломжийг нээж байна. Гэрээний дагуу 13 сөнөөгчийг нь Шведэд үйлдвэрлэх бол 8ийг нь Шведэд угсраад Бразилд эцсийн байдлаар гаргах бол үлдсэн 15-ийг нь Бразилын үйлдвэрт бүрэн үйлдвэрлэх юм байна. Нээлтийн ёслолд Бразилын ерөнхийлөгч Лула да Силва батлан хамгаалахын сайдын хамт оролцсон бол Шведийн иргэний хамгаалалын сайд оролцжээ. Энэхүү түншлэл нь Бразилд сөнөөгч онгоцны хамгийн сүүлийн үеийн технологио дамжуулж өгч байгаа юм гэдгийг Бразилын батлан хамгаалахын сайд мэдэгджээ.