Шууд Chart

Дэлхийн хамгийн том мөсөн уул байрнаасаа хөдөлжээ

2023-11-28 13:47:28

Дэлхийн хамгийн том мөсөн уул 37 жилийн дараа Өмнөд далайн чигт хөвж эхэлжээ. 4000 шахам квадрат км талбайтай энэ мөсөн уул Нью-Йорк хотоос 5 дахин том гэсэн үг юм. Хиймэл дагуулын сүүлийн үеийн зургуудаар, нэг их наяд тонн орчим жинтэй энэ мөсөн уул салхи болон урсгалын хүчинд түрэгдэн Антарктидын хойгийн хойд үзүүрийг тойрон хурдтай хөвж эхэлжээ. Хуучин Зөвлөлтийн “Дружная-1” шинжилгээний станц байрладаг байсан А23а хэмээх энэ мөсөн уул Антарктидаас тасран хөвж байгаад 1986 онд хайргаджээ. Харин одоо хөдөлгөөнд орсон шалтгааны тухайд, Британий мөстлөг судлаач Оливер Марш “цагийн эрхээр хайлж хөнгөрснөөс урсгалд түрэгдэж хөвөх боломжтой болсон байх” гэж ярьжээ.

Гэхдээ энэ мөсөн уул Өмнөд Георгийн арал орчимд дахин гацах нөхцөлд туйлын амьтдын үржил, амьдрах орчинд аюул тарьж мэднэ гэж шинжээчид болгоомжилж байна.

Нийтэлсэн: Moнголын мэдээ

Дэлхийн хамгийн том мөсөн уул байрнаасаа хөдөлжээ  
Үзсэн: 7160 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй