Шууд Chart

Дан эко түлшээр цэнэглэсэн онгоц анх удаа Атлантын далайг дамнаж нислэг үйлдэв

2023-12-03 09:33:55

Байгальд халгүй цэвэр эко түлшээр цэнэглэсэн онгоцоор анх удаа Атлантын далай дээгүүр нислэг үйлджээ. Мягмар гарагт Лондонгийн Хитроу нисэх буудлаас хөөрсөн “Виржин Атлантик” компанийн “Боинг-787” онгоц хурмал түлш огт ашиглалгүйгээр Нью-Йоркийн Кеннедийн нэрэмжит нисэх онгоцны буудалд газардсан байна. Оронд нь хүнсний болон амьтны гаралтай тос болон ахуйн хаягдал сэлтээс гаргаж авсан 70 тонн ногоон түлш ашиглажээ. Онгоцонд арилжааны зорчигчид яваагүй. “Виржин Атлантик” компаний үндэслэгч Ричард Брэнсон, Их Британий Тээврийн сайд Майк Харпер зэрэг албаны болон ажил хэргийн төлөөлөл, инженерүүд сэтгүүлчид зэрэг хүмүүс зорчсон байна. “Боинг-787 Дримлайнер” онгоцноос ердийн нислэгийн үед ялгардаг хүлэмжийн хийн ялгаруулалтыг энэ удаагийн нислэгээр 70 хувь бууруулжээ.

Одоогоор энэ төрлийн түлш керосиноос хэд дахин өндөр өртөгтэй, бас харьцангуй бага хэмжээтэй үйлдвэрлэгдэж, хангамж нийлүүлэлтийн сүлжээ бүрэлдээгүй байгаа нь гол асуудал болж байна.

Нийтэлсэн: Moнголын мэдээ

Дан эко түлшээр цэнэглэсэн онгоц анх удаа Атлантын далайг дамнаж нислэг үйлдэв  
Үзсэн: 1393 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй