Шууд Chart

Олон үндэсний хоолны тогооч бэлтгэх хөтөлбөр хэрэгжүүлнэ

2024-02-28 15:11:02

"Монголд зочлох жил"-ийн хүрээнд Нийслэлийн Засаг дарга бөгөөд Улаанбаатар хотын Захирагчийн дэмжлэгтэйгээр НЗДТГ, УБЗАА, Нийслэлийн Аялал жуулчлалын газар болон мэргэжлийн бусад байгууллагууд хамтран Олон үндэсний хоолны тогооч бэлтгэх хөтөлбөрийг хэрэгжүүлэх гэж байна.

Хөтөлбөрийн хүрээнд аялал жуулчлал өндөр хөгжсөн, үндэстний хоол зоогоороо алдартай Узбекистан, ОХУ, Турк, Тайланд, БНСУ, Япон Улс болон Хонконгод туршлага судалж, тогооч нарыг ур чадвар дээшлүүлэх сургалтад хамруулах юм.

Үүнтэй холбоотойгоор Улаанбаатар хотод хоол үйлдвэрлэл, үйлчилгээний чиглэлээр үйл ажиллагаа явуулж буй ресторан, зоогийн газрын удирдлагуудад өнөөдөр мэдээлэл өглөө.

Тус хөтөлбөр хэрэгжиж, дээрх орнуудад тогооч бэлтгэснээр хоол үйлдвэрлэл, бүтээгдэхүүн үйлчилгээний нэр төрөл, амт чанар, боловсон хүчний ур чадвар нэмэгдүүлэх ач холбогдолтой.


Олон үндэсний хоолны тогооч бэлтгэх хөтөлбөр хэрэгжүүлнэ  
Үзсэн: 304 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй