Шууд Chart

Гурил үйлдвэрлэгчид 2023 онд 5-9 удаа үнэ нэмсэн байна

2024-03-01 13:29:02

Шударга өрсөлдөөн, хэрэглэгчийн төлөө газраас улаанбуудайн гурилын үнийн асуудлаар мэдээлэл хийлээ.

Шударга өрсөлдөөн, хэрэглэгчийн төлөө газрын дарга Б.Билгүүн мэдээллийн эхэнд ШӨХТГ-аас 2022 онд улаанбуудайн гурил үйлдвэрлэгч томоохон 8 аж ахуйн нэгжид хийсэн шалгалтаар “Улаанбаатар гурил”, “Од групп” зэрэг компани нь  буудайн гурилын үнийг үндэслэлгүй нэмсэн гэж үзэн зөрчлийн хэрэг үүсгэж, торгууль ногдуулсан бөгөөд хэрэг шүүхийн шатанд явж байгаа талаар дурдаад “Сүүлийн үед иргэд, хэрэглэгчдээс гурилын үнийн өсөлттэй холбоотой гомдол, санал түлхүү ирж байна. 2023 онд хийсэн судалгаагаар дээдийн дээд гурил 635, дээд гурил 405,  нэгдүгээр гурил 267, хоёрдугаар гурил 154 төгрөгөөр тус тус нэмэгдсэн. Монголын гурил үйлдвэрлэгчид үгсэн хуйвалдаж үнэ нэмдэг гэсэн дүгнэлтэд хүрээд байна. Иймд ШӨХТГ-аас цаашид хяналт, шалгалтын ажлыг зохион байгуулж ажиллахаа мэдэгдэж байна. Мөн Монгол Улсад гурилын импортын асуудал хязгаарлалттай байдаг. Үндэсний гурил үйлдвэрлэгчид үгсэн хуйвалдаж үнэ тогтоож байгаа нь өрсөлдөөнийг хязгаарлаж байна. Энэ нь цаашид импортын хязгаарлалтыг цуцалж чөлөөт өрсөлдөөнийг бий болгох нөхцөлд хүргэж байгаа бөгөөд ингэснээр үнийн өрсөлдөөн бий болж хэрэглэгчдэд сонголт хийх боломж нээгдэнэ гэж үзэж байна” гэлээ.

Барааны нэр Нийт өсөлт Өсөлтийн хувь (2023/01-2024/01) Өсөлт мөнгөн дүнгээр (2023/01-2024/01)
Дээдийн дээд, савласан, кг 5 удаа 19% 635 төгрөг
Дээд, савласан, кг 9 удаа 16% 405 төгрөг
I зэрэг, савласан, кг 9 удаа 12% 267 төгрөг
II зэрэг, савласан, кг 8 удаа 11% 154 төгрөг

 

Эх сурвалж: ШӨХТГ


Гурил үйлдвэрлэгчид 2023 онд 5-9 удаа үнэ нэмсэн байна  
Үзсэн: 1143 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Zochin [127.0.0.xxx] 2024-03-08 14:31
Vndeslelgvi nemsen uym bol zuruu heden zuun terbumiig vnee buulgaad hudalaalj tuluuluh heregtei torguuli chini olson mungunii hajuud uy ch bish terii ni uls avchihana
Зочин [127.0.0.xxx] 2024-03-02 05:58
Болорчулуун писдагийн хийж байгаа ажил эргүү хүүр сайд болоод л нэмж эхэлсээн
Зочин [127.0.0.xxx] 2024-03-01 14:26
Tòrgoxn yaaxawee vniin buulguulaachee

Бидэнтэй нэгдээрэй