Шууд Chart

Аймгуудын Онцгой комисс болон Шуурхай штабын бүрэлдэхүүнтэй цахим хурал хийлээ

2024-03-01 15:34:15

УОК-ын Шуурхай штабаас цаг үеийн нөхцөл байдалтай холбогдуулан 21 аймгийн Онцгой комисс болон Шуурхай штабын бүрэлдэхүүнтэй цахим хурал хийлээ.

Иргэд, аж, ахуйн нэгж байгууллагаас ирүүлсэн хандив, тусламжийн барааг “Засгийн газрын 2018 оны 271 дүгээр тогтоолоор батлагдсан “Гамшгаас хамгаалах дотоодын хүмүүнлэгийн тусламжийг зохицуулах” журмын хүрээнд өвөлжилт, хаваржилт хүндэрсэн аймаг, сумдад хүргэх ажлыг зохион байгуулахаар хуваарилан ажиллаж байна. Тиймээс хандив, тусламжийн бараа материалыг хуваарийн дагуу малчин, иргэдэд хүргэх ажлыг аймаг, сумын хэмжээнд шуурхай зохион байгуулахад анхаарахыг чиглэл болголоо.

Мөн нийт нутгийн 80 гаруй хувь цасан бүрхүүлтэй, зарим газартаа 100-120 см зузаан цастай байгаа учраас хаврын шар усны үерийн аюулаас урьдчилан сэргийлэх арга хэмжээг эртнээс төлөвлөн, хариу арга хэмжээг хэрэгжүүлэх, иргэд, олон нийтэд зориулсан сэрэмжлүүлэг мэдээ, мэдээллийг хүргэж, байгууллага хоорондын уялдаа холбоог хангаж хамтран ажиллахыг анхаарууллаа.

Эх сурвалж: ОБЕГ


Аймгуудын Онцгой комисс болон Шуурхай штабын бүрэлдэхүүнтэй цахим хурал хийлээ  
Үзсэн: 661 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй