Үндэсний телевиз
Цагийн хүрд
Найм арваннэг
"Тавантолгой түлш" компани зүүн үйлдвэртээ бүрэн автомат дулааны станц барих ажлыг эхлүүлээд байна.
Зүүн үйлдвэрийн дулаан хангамжид ашиглах энэхүү станц нь БНХАУ-д үйлдвэрлэгдсэн тус бүр 7.5 мвт хүчин чадалтай SZL765-1/95/70-All загварын гурван зуухнаас бүрдэх бөгөөд нийт 22.5 мвт хүчин чадалтай.
Энэ дулааны станц нь түлшийг туузан дамжлагаар тээвэрлэн зуухны нүүрсний бункерт хийж, үнсийг гинжит конвейроор татаж гаргах бөгөөд хүний оролцоо багатай гэдгээрээ онцлогтой юм.
Энэхүү станц нь жижиг аймгийн төвийг ч бүрэн хангахаар хүчин чадалтай бөгөөд усыг 95 градусын хэм хүртэл халааж, халаалтын системд сүлжээний насосоор дамжуулан үйлдвэрийн гурван барилга, цайны газар, агуулах зэрэг үйлдвэрлэл технологид шаардлагатай ус, хэрэглээний халуун ус, халаалтыг бүрэн хангах юм.
Мөн ус цэвэршүүлэх хэсэгтэй бөгөөд усны шинж чанар, хатуулаг, механик хольцыг шүүж технологийн ус болгон боловсруулж шугам сүлжээндээ ашигласнаар зуух болон шугам сүлжээний гадаргууг бохирдол, зэврэлтээс хамгаалах, ажиллах хугацаа буюу насжилтыг уртасгах ач холбогдолтой юм. Дулааны станцыг ирэх намар бүрэн ашиглалтад оруулна гэж "Тавантолгой түлш" ХХК-иас мэдээллээ.
| "Тавантолгой түлш" компанийн Зүүн үйлдвэр бие даасан халаалтын системтэй болно | ||
| Үзсэн: 601 | Mongolian National Broadcaster |
Шог зураач Л.Мөнхбат
Б.Цоожчулуунцэцэг
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.