Үндэсний телевиз
Цагийн хүрд
Найм арваннэг
Улсын гуравдугаар төв эмнэлгийн Судсан дотуурх оношилгоо эмчилгээний төвийн зөвлөх эмч, сувилагч, техникч нарын бүрэлдэхүүнтэй зөвлөх баг 2024 оны зургаадугаар сарын 4-7-ны өдрүүдэд Ховд аймгийн Бүсийн Оношилгоо Эмчилгээний Төвд ажиллаж, тус төвийн зүрх судлал, судсан дотуурх ангиографийн эмч нартай хамтарсан ажлын байрны мэс засал сургалт хийгээд ирлээ.
Зөвлөх баг орон нутагт ажиллах хугацаандаа лавлагаа шатлалын эмнэлгийн оношилгоо эмчилгээ зайлшгүй шаардлагатай байсан 54-82 насны 14 иргэнд зүрхний титэм судасны нарийвчилсан оношилгоог хийж, үүнээс яаралтай журмаар 8 эмчлүүлэгчид титэм судсан дотуур 12 тэлэгч стент тавьж эмчилгээ хийлээ.
Мөн БОЭТ-д төвд суурилагдсан иж бүрэн ангиографийн аппарат дээр тархины судасны оношлогооны 3D системийг ашиглах аргачлалыг зааварлан, уг аргаар тархины судасны оношилгооны анхны тохиолдлыг хийхэд нь мэргэжил арга зүйгээр ханган, дэмжлэг үзүүлж ажиллалаа гэж Улсын гуравдугаар төв эмнэлгээс мэдээллээ.
| УГТЭ: Судсан дотуурх мэс заслын зөвлөх баг Ховд аймагт ажиллалаа | ||
| Үзсэн: 1145 | Mongolian National Broadcaster |
Р.Слава
У.Баярсайхан
Л.Мөнхтөр
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.