Өнөө өглөөний цаг уурын станц, харуулын цасны зузааны мэдээгээр баруун болон төвийн аймгуудын ихэнх нутаг, говийн аймгуудын нутгийн баруун болон хойд хэсэг, зүүн аймгуудын нутгийн зарим газраар 0.0-23.0 см цасан бүрхүүл тогтсоноос хамгийн их нь Баянхонгорын Гурванбулагт 23.0 см, Увсын Улаангом, Жаргалант, Баянхонгорын Баянбулагт 13.0 см, Малчинд 12.0 см, бусад хэсгээр 0.0-11.0 см зузаан цасан бүрхүүл тогтсон байна.  

Өчигдөр баруун аймгуудын нутгийн баруун хэсэг, зүүн аймгуудын нутгийн өмнөд хэсгээр 0.0-5.0 мм цас орсон. Үүнээс хамгийн их нь Увсын Улаангомд 5.0 мм, Түргэнд 3.5 мм, Баян-Өлгийн Сагсайд 3.4 мм, бусад хэсгээр 0.0-3.0 мм цас орсон байна.

Завхан голын эх, Идэр голын хөндийгөөр 24-30 хэм, Их нууруудын болон Дархадын хотгор, Алтай, Хөвсгөлийн уулархаг нутаг, Хүрэнбэлчир орчим, Байдраг, Идэр, Тэс, Ерөө голын хөндийгөөр 17-23 хэм, Хэнтийн уулархаг нутаг, Хангайн нурууны өвөр бэл, говийн бүс нутгийн өмнөд хэсэг, цас багатай энгэр ээвэр газар, Хэрлэн, Онон, Улз голын хөндийгөөр 0-8 хэм, бусад нутгаар 9-16 хэм хүйтэн байв. 

Дархадын хотгор, Хөвсгөлийн уулархаг нутаг, Завхан голын эх, Хүрэнбэлчир орчим, Байдраг, Идэр, Тэс, Ерөө, Халх голын хөндийгөөр 30-35 хэм, Хангайн уулархаг нутаг, Тэс, Эг, Үүр, Хараа, Туул, Тэрэлж, Хэрлэн голын хөндийгөөр 24-30 хэм, говийн бүс нутгийн өмнөд хэсгээр 10-16 хэм, бусад хэсгээр 16-24 хэм хүйтэн хонов. 

Өнгөрсөн хоногт ихэнх нутгаар секундэд 3-8 метр, говь болон зүүн аймгуудын нутгийн зарим газраар секундэд 8-10 метр байсан байна. 

Улаанбаатар хот орчмоор өнгөрсөн хоногт цас ороогүй. Салхи баруун өмнөөс секундэд 1-6 метр. Өчигдөр өдөр 12 хэм, өнгөрсөн шөнө Яармаг-Сонгины орчмоор 29 хэм, бусад хэсгээр 21 хэм хүйтэн хоносон байна.