Нийгмийн даатгалын байгууллага 2025 оныг “Даатгуулагчийг дэмжих, нийгмийн даатгалын шимтгэлийн өрийг барагдуулах жил” болгон зарласантай холбогдуулан “Даатгуулагч, ажил олгогчдын зөвлөгөөн” -ийг Дархан-Уул аймагт зохион байгуулж байна.

Зөвлөгөөнөөр НД-ийн хууль тогтоомж, НД-ын ач холбогдлыг ажил олгогч, даатгуулагч, иргэдэд сурталчлан таниулан, ойлгуулах, харилцан уялдаа холбоог сайжруулах, тэтгэвэр тэтгэмжийн талаарх зэрэг бүхий л хэрэгцээт мэдээллийг өгөх юм. Зөвлөгөөнд ажил олгогч, иргэд даатгуулагчдын 500 гаруй төлөөлөл, Нийгмийн даатгалын ерөнхий газраас холбогдох төлөөллүүд оролцож байна.

Дархан-Уул аймгийн НДГ нь нийгмийн даатгалын үйлчилгээг илүү хүртээмжтэй үр ашигтай болгох, ажил олгогч даатгуулагчдын НД-ийн шимтгэлийн өр авлагыг барагдуулах хамрагдалтыг нэмэгдүүлэх чиглэлээр олон талт арга хэмжээ авч ажиллаж байна.

Мөн аймгийн хэмжээнд 131 ААНБ, 711 албан журмын даатгуулагчийг шинээр хамруулж нийт 1568 ажил олгогчийн 28536 заавал даатгуулагчтай болсны зэрэгцээ 911 иргэнийг сайн дурын даатгалд хамруулжээ. Ажил олгогч та нийгмийн даатгалын шимтгэлээ хуулийн хугацаанд нь төлж хариуцлагатай ажил олгогч болохыг Нийгмийн даатгалын газраас уриалж байна.