Ази Европын дээд хэмжээний 11 дэх удаагийн уулзалтыг 2016 онд манай улс зохион байгуулахтай холбоотойгоор ирсэн гийчдийг хүлээн авах одны зэрэгтэй 40 гаруй зочид буудалд хөнгөлөлттэй зээл олгох талаар албаны хүмүүс ярьж байсан. Тэгвэл зочид буудлуудад 150 тэрбум төгрөгийн зээл олгохоор болж, энэ шийдвэрийг Засгийн газар өчигдөр болсон ээлжит хурлаараа хэлэлцэн гаргажээ.

Зээл  нь тав хүртэл жилийн хугацаатай 7-9 хувийн хүүтэй байна гэж Ерөнхий сайдын хэвлэлийн төлөөлөгч Ц.Мөнхтөр мэдээллээ.