2015 оны наймдугаар сарын 03-наас наймдугаар сарын 10-ныг хүртэлх
долоо хоногийн цаг агаарын урьдчилсан мэдээ

/7 хоногийн эцсээр ихэнх нутгаар хална./

Баруун аймгуудын нутгаар: 3, 5-нд нутгийн зүүн хэсгээр, 4, 9-нд нутгийн баруун хэсгээр, 6-нд зарим газраар, 10-нд ихэнх нутгаар бороо орно. Дуу цахилгаантай. Салхи 3-6-нд баруун хойноос, бусад хугацаанд баруун өмнөөс 5-10м/с, 8,9-нд түр зуур секундэд 16-18 метр хүрч ширүүснэ. Хугацааны эхээр Завхан, Баянхонгорын хойд хэсгээр шөнөдөө 4-9 хэм өдөртөө 14-19 хэм, Их нууруудын хотгор, Алтайн өвөр говиор шөнөдөө 13-18 хэм өдөртөө 27-32 хэм, бусад нутгаар шөнөдөө 10-15 хэм өдөртөө 23-28 хэм дулаан байна. 6-9-нд халж Завхан, Баянхонгорын хойд хэсгээр шөнөдөө 6-11 хэм өдөртөө 21-26 хэм, Их нууруудын хотгор, Алтайн өвөр говиор шөнөдөө 17-22 хэм өдөртөө 33-38 хэм, бусад нутгаар шөнөдөө 14-19 хэм өдөртөө 25-30 хэм хүрч хална.  

Төвийн аймгуудын нутгаар: 3-нд нутгийн баруун хэсгээр, 4-нд ихэнх нутгаар, 5, 6-нд зарим газраар бороо орно. Дуу цахилгаантай. Салхи 3-6-нд баруун хойноос, бусад хугацаанд баруун өмнөөс 5-10м/с, борооны өмнө түр зуур ширүүснэ. Хугацааны эхээр шөнөдөө Хангай, Хөвсгөлийн уулархаг нутгаар 2-7 хэм, бусад нутгаар 10-15 хэм, өдөртөө Хангай, Хөвсгөлийн уулархаг нутгаар 13-18 хэм, бусад нутгаар 21-26 хэм дулаан байна. 7-ноос халж Орхон-Сэлэнгийн саваар шөнөдөө 15-20 хэм өдөртөө 31-36 хэм, бусад нутгаар шөнөдөө 12-17 хэм өдөртөө 24-29 хэм халуун  байна.

Зүүн аймгуудын нутгаар: 3, 7-нд нутгийн зүүн хэсгээр, 4-нд зарим газраар, 5,6-нд ихэнх нутгаар бороо орно. Дуу цахилгаантай. Борооны өмнө салхи түр зуур ширүүснэ. Хугацааны эхээр нийт нутгаар шөнөдөө 7-12 хэм өдөртөө 20-25 хэм дулаан байна. 7-ноос халж шөнөдөө Хэнтэйн уулархаг нутгаар 8-13 хэм, бусад нутгаар  11-16 хэм,  өдөртөө нийт нутгаар 27-32 хэм дулаан байна.

Говийн аймгуудын нутгаар: 4-нд нутгийн хойд хэсгээр, 5-нд нутгийн зүүн хэсгээр түр зуурын бороо орно. Салхи 3-6-нд баруун хойноос, бусад хугацаанд баруун өмнөөс 5-10м/с, зарим үед секундэд 12-14 м/с ширүүснэ. Ихэнх хугацаанд шөнөдөө Дундговийн нутгаар 9-14 хэм, бусад нутгаар 14-19 хэм дулаан, өдөртөө Дундговийн нутгаар 23-28 хэм, бусад нутгаар 28-33 хэм халуун байна.