Өнөөдөр Улаанбаатар хот орчимд цас орон цаг агаарын нөхцөл байдал муу байгаагаас шалтгаалж гадаад, дотоодын дөрвөн ч нислэг хойшлоод байна. Тодруулбал, Берлин-Москвагийн нислэг хойшилж Улаанбаатарт 23:45 цагт буухаар болсон байна. Харин Хонгконгийн нислэг 17:45, Ханбогдын нислэг 22:45 цаг хүртэл, мөн Бээжингийн нислэг ч хойшилжээ.

Харин Онцгой байдлын ерөнхий газар болон авто тээврийн үндэсний төвийн мэдээлснээр салхи шуурга ширүүсээгүй, нойтон цас л орж байгаа учраас орон нутгийн зам хааж, тээврийн хэрэгсэл хязгаарласан зүйл байхгүй гэлээ.