Монгол Улсын төрийн соёрхолт, хөгжмийн зохиолч Ц.Нацагдорж агсны мэндэлсний 65 насны ойн тоглолт Улсын Филармонийн их танхимд энэ сарын 26-нд болно. Дан хөгжмийн болон дууны уран бүтээлийн энэхүү тоглолтод “Симфони №3”, “Өргөөний баяр наадам” симфони удиртгал, ”Үүлэн заяа” дуурийн “Хоролдой ноёны ари, Цурхайн ари”, “Хөдөөгийн сайхан” симфони сюит, “Нутгийн чулуу” зэрэг бүтээл тоглогдох юм.

Тэрбээр “Тунгалаг тамир” романыг мюзикль болгохоор зорьж байсан гэдэг. Түүнчлэн таван симфони, дөрвөн дуурь, хоёр бүжгийн жүжиг, морин хуурт зориулсан дөрвөн том бүтээл, 60 гаруй дууны аялгуу зохиосон билээ.