“Челси”, “Реал” багийн дасгалжуулагч асан Жозе Моуринью хамт ажиллаж байсан тоглогчдоосоо хэнийг шилдэг гэх вэ гэсэн сэтгүүлчийн асуултад “Хэн нь шилдэг байсныг хэлэхэд хэцүү юм. Хамгийн гол нь би энэ дэлхийн шилдэг тоглогчдыг дасгалжуулж байлаа. “Интер”-т би Ибрагимович, Занетти нартай ажиллаж байв. “Реал”-д надад Роналду байсан бол “Чэлси”-д эргэж очоод өөр мундаг олон тоглогчтой танилцсан. Лондон хотын багт анх очоод “Премьер лиг”-ийн шилдэг тоглогч Фрэнк Лэмпардыг дасгалжуулсан. Надад мундаг тоглогч олон байсан. Тэд надад их олон зүйлийг өгсөн дөө. Хэн нэгнийг онцлох хэцүү юм. Бүгдээрэнг нь л хүндэлдэг шүү” хэмээжээ.