Олонх бүсгүй гоо сайхан харагдахыг хичээдэг. Гэхдээ чухам яавал гоо үзэмжтэй байх талаар нэгэн судалгаа гарсныг уншигч танаа хүргэе. Өнөөдөр олон улсын эмэгтэйчүүдийн эрхийг хамгаалах өдөр тохиож буй тул хэн нэгэн уншигч бүсгүй танд өнөөдрийн баярт тань нэмэр болох ч юм бил үү. Гоо бүсгүйчүүд дараах зарчмыг баримталдаг аж.

1. Нарийн ширийн зүйлээ олонд дэлгэдэггүй.

Хамт ажиллагсад нь түүний гоо сайхны салонд хичнээн цаг үрдгийг мэддэггүй. Найз бүсгүйчүүд нь түүнийг ээжийнхээ даашинзыг түр зээлж өмссөнийг нь тааварладаг ч үгүй байх ёстой. Тэр эргэн тойрныхондоо контактны линз зүүдэг тухайгаа хэзээ ч хэлдэггүй.

2. Өөрийнхөө гадаад үзэмжийн талаар бусдын санаа бодлыг сонирхдоггүй.

Гоо бүсгүй үснийхээ өнгийг өөрчилчихөөд эргэн тойрныхноосоо “Ямар болсон байна” гэж асуухаасаа өмнө “Алив, намайг ямар хөөрхөн болсныг хараач" гэдэг.  

3. Гадаад үзэмжийнх нь талаар гоочилсон хүнд тохирох хариултыг нь өгч чаддаг.

Гэдэсгүй хүн хувцасны голоос ялгаа юун гэх мэт.

4. Инээмсэглэж чаддаг.                             

Хүн болгонд зөвхөн өөрт нь зориулж инээмсэглэж сурсан байдаг.

5. Хэзээ ч, юунд ч харамсдаггүй.

Хими цэвэрлэгээнд өгсөн даашинзаа муухай болсныг хараад харамсаад яахав. Нүүрэндээ үрчлээ нэмэхийн нэмэр. Гоо бүсгүй бол элдэв таагүй явдлаас ашиг гаргахыг хичээдэг. Даашинз муухай болсон нь шинэ даашинз худалдаж авах шалтаг биш гэж үү. Тэгээд ч өөрөө гаргасан алдаандаа хэзээ ч харамсдаггүй, хэрэггүй зүйл, таагүй дурсамжуудаас амархан салдаг.

6. Атаархдаггүй.

Атаархсанаараа та эргэн тойрныхоо хүмүүст өрсөлдөгчөөсөө айж байгаа гэдгээ батлах болно. Харин гоо бүсгүй бол өрсөлдөөнөөс гадуур хүн гэдэгтээ итгэл төгс байдаг.

7. Хэзээд байгаагаараа байдаг.

Тэртэй, тэргүй өөрөө төгс төгөлдөр юм чинь хэн нэгнийг дуурайж яах юм.

8. Өөрөөсөө нарийлдаггүй.

Тэр сүүлчийнхээ мөнгөөр таксидаж бас бүх цалингаараа гутал худалдан авч чаддаг. Энэ бол түүний өөрийгөө хайрладгийн шинж. Өөрийгөө хайрладаг хүнийг бусад хүмүүс ч хайрлана шүү дээ.

9. Өөртөө хааяа тохиолддог, өөрийгөө хэрхэн зовж зүдэрсэн тухай хэзээ ч, хэнд ч  ярьдаггүй.

Шөнө дунд хүртэл ажилтай байхдаа өндөр гадсан өсгийт гутал өмсч, хөлөө өвтгөсөн ч хэн нэгэнд хэлэх албагүй. Хүмүүс үүнийг мэдэх шаардлагагүй.

10. Сандардаггүй.

Айлд зочилж байгаад 18-р зууны хийцтэй аягыг алдаж хагалсан ч гоо бүсгүй олон биш ганц л удаа уучлалт гуйгаад маш эрхэмсгээр хагархайг нь түүж аваад өчүүхэн ч харамссан шинжгүйгээр хогийн саванд хаядаг. Зөөлөн сандалд лаглайлгүй эгцхэн цэмцгэр суух амаргүй. Хоёр хөлөө газарт зэрэг буулгаад машинаас буух ч бас хэцүү. Гэхдээ сурч болохгүй гэж үү.

11. Өөрийг нь эргүүлж байгаа хүмүүсийг үргээдэггүй.

Эргэн тойрондоо олон залуус эргэлдүүлж байдаг гоо бүсгүй гэдгээ хүлээн зөвшөөрүүлэхийг хүсвэл чамд таалагдахгүй байгаа, аятайхан биш залуугийн хөнгөн сээтэгнэлд анхаарал хандуул. Харин танд таалагдах, аятайхан залуу энэ олон хүнийг хуйлруулаад байгаа бүсгүй чинь хэн бэ гэж анзаарч л таараа.

12. Юмыг муу талаас нь эхэлж боддоггүй.

Хэрвээ хайртай залуу чинь чиний хөхийг үнэхээр гайхалтай гэж хэлвэл хэтэрхий том юм уу, жижиг гэсэн үг биш. Зүгээр л ийм сайхан зүйл өмнө нь харж байгаагүй гэсэн үг. Бас аятайхан залуу өөрөөр чинь тоглоом шоглоом хийгээд байвал таныг тэнэг гэж байгаа юм биш. Харин өөрөө түүнд таалагдсан учраас анхаарлыг чинь татах гээд байна гэдэгт итгэ.