“Үргээлэг-2” уран сайхны киноны нээлт саяхан бүх кино театрт сүр дуулиантай болсон. Тус кинонд цагтаа загварын тайзнаа алхаж, олон бүсгүйн хүсэмжит залуугаар тодорч байсан жүжигчин Н.Оргилыг туслах дүрд тоглосон хэмээж байв. Тэгвэл тэрбээр фэйсбүүк хуудаснаа “Юуны өмнө Жагаадаа амжилт хүсье. Чи бол миний сайн андын нэг. Миний тоглосон кинонуудын хоёрт нь орлон тоглогчоор ажилласан хөдөлмөрч, авьяаслаг, тулааны найруулагч чамд би маш их баярладаг. “Үргээлэг-2” уран сайхны кинонд намайг тоглосон байна гэж олон хүн ярьж байна. Тиймээс үүнд би тайлбар өгөхийг хүслээ. Дээрх кинонд би биш миний анд Жагаа тоглосон юм шүү. Биднийг их адилхан гэж олон хүн ярьдаг. Энэ үг үүгээр дахин нотлогдлоо” гээд Жагаа болон өөрийнхөө зургийг байршуулжээ. Тэгэхээр тус киног үзсэн хүмүүсийн эргэлзээ одоо тайлагдах биз ээ.

Нэгэн нууц задлахад, тэр хоёр тун удахгүй ихэр тулаанчийн дүрд тоглох гэж байгаа гэсэн шүү.

Г.Оргил. 

Харин энэ түүний анд Жагаа. Адилтгаж харахгүй л бол үнэхээр андуурмаар байгаа биз.