Театрын урлагийн шилдгүүдийг шалгаруулдаг “Гэгээн муза-2016” наадам ирэх сарын 1-7-ны хооронд болно. 13 дахь удаагаа болох тус наадамд 34 бүтээл өрсөлдсөнөөс 17 нь тунаж, гран прийн төлөө өрсөлдөнө.  

Зохион байгуулагчид тухайн бүтээлийг өмнө нь бичлэгээр шүүдэг байсан бол энэ удаа тайзан дээр дүгнэсэн нь улам сонирхолтой, шударга, бодитой боллоо.  Түүнчлэн гран при шагналыг БСШУ-ны сайдын нэрэмжит болгосон аж.

Энэ жилийн наадмын эцсийн шалгаруулалтад ОХУ, Герман, Польш, Грек, Киргиз зэрэг 10-аад орны уран бүтээлч оролцохоос гадна нэг хүний жүжгийн төрөлд шүүгчээр Киргиз улсын Драмын театрын уран сайхны удирдаач, театр судлаач, найруулагч хүн ажилласан гэнэ.