2016 оны зургаадугаар сарын 27-ноос долоодугаар сарын 04-нийг хүртэлх
7 хоногийн цаг агаарын урьдчилсан мэдээ

- Ихэнх хугацаанд бороо орж сэрүүн байна-

Баруун аймгуудын нутгаар: Маргааш буюу 29-нд зарим газраар, 27,30-нд нутгийн зүүн хэсгээр, 2-3-нд нутгийн хойд хэсгээр түр зуурын бороо орно. Дуу цахилгаантай. Салхи 28-29нд зарим газраар түр зуур ширүүснэ. 29-30-нд бага зэрэг сэрүүснэ. Бусад хугацаанд Хангайн уулархаг нутгаар шөнөдөө 6-11 хэм өдөртөө 18-23 хэм дулаан, Их нууруудын хотгор, Алтайн өвөр говиор шөнөдөө 15-20 хэм өдөртөө 27-32 хэм дулаан, бусад нутгаар шөнөдөө 11-16 хэм өдөртөө 23-28 хэм дулаан байна. 23-нд ихэнх нутгаар дулаарна.

Төвийн аймгуудын нутгаар: Өнөөдөр зарим газраар түр зуурын бороо, 29-1-нд ихэнх нутгаар бороо орно. Салхи зарим үед түр зуур ширүүснэ. 27-1-нд Хангай, Хөвсгөлийн уулархаг нутгаар шөнөдөө 3-8 хэм өдөртөө 12-17 хэм дулаан, бусад нутгаар шөнөдөө 8-13 хэм өдөртөө 17-22 хэм дулаан байна. Бусад хугацаанд Дархадын хотгор, Хөвсгөл, Хангайн уулархаг нутгаар шөнөдөө 7-12 хэм өдөртөө 19-24 хэм дулаан, бусад нутгаар шөнөдөө 12-17 хэм өдөртөө 25-30 хэм дулаан байна.

Зүүн аймгуудын нутгаар: Зургаадугаар сарын 27-оос 2-нд ихэнх нутгаар бороо орно. Дуу цахилгаантай. Салхи зарим газраар түр зуур ширүүснэ. Ихэнх хугацаанд уулархаг нутгаар шөнөдөө 5-10 хэм өдөртөө 14-19 хэм дулаан, бусад нутгаар шөнөдөө 9-14 хэм өдөртөө 20-25 хэм дулаан байна. Хугацааны эцсээр дулаарна.

Говийн аймгуудын нутгаар: Зургаадугаар сарын 29-ээс 30-нд зарим газраар түр зуурын бороо орно. Дуу цахилгаантай. Салхи зарим үед түр зуур ширүүснэ. 27,30-нд сэрүүснэ. Бусад хугацаанд нутгийн хойд хэсгээр шөнөдөө 10-15 хэм өдөртөө 22-27 хэм, бусад нутгаар шөнөдөө 13-18 хэм өдөртөө 25-30 хэм дулаан байна.