Хүүхэд багачуудын дунд шатрын спортыг сурталчлан дэлгэрүүлэх авьяас билгийг нээн хөгжүүлэх, ирээдүйн мастеруудыг бэлтгэх, тив, дэлхийн сургуулиудын аварга шалгаруулах тэмцээнд тамирчдыг сонгон шалгаруулах зорилгоор Ховд аймгийн Гэр бүл, хүүхэд, залуучуудын хөгжлийн газраас “Цодгорхүү- 2017” тэмцээн зохион байгуулсан байна. 

Жил бүр уламжлал болон явагддаг тус тэмцээнийг Монгол Улсын аварга, Шатрын спортын мастер, Монголын хүүхдийн ордны багш Н.Төрбат агсны нэрэмжит болгон зохион байгуулсан аж. Энэ удаагийн тэмцээнийг швейцарь системээр насны ангилал тус бүр 5-9 өргийн тоглолттой, талдаа нэг цагийн хяналттай явуулжээ. 

"Цодгор хүү" шатрын тэмцээнд Ховд аймгийн төв төдийгүй сум бүрээс бяцхан тамирчид ирж, нийт 100 гаруй хүүхэд оролцсон нь өмнөх жилүүдээс илүү өргөн хүрээтэй болсон байна. Насны ангилал тус бүрт I-IY байр шалгаруулж алт, мөнгө, хүрэл медаль, өргөмжлөлөөр шагнан урамшуулж, насны ангилал тус бүрт тэргүүн байр эзэлсэн хүүхдүүд Улаанбаатар хотод 2016 оны энэ сарын 23, 24-ний өдрүүдэд болох улсын уралдаанд оролцох эрхийн бичгээ гардан авчээ.