Үндэсний телевиз
Цагийн хүрд
Найм арваннэг
Монгол Улсын гавьяат жүжигчин, “Соёлын элч” дуучин Э.Амартүвшин Италийн алдарт “Сан Карло” театрын удирдлагуудтай байгуулсан гэрээнийхээ дагуу эхний тоглолтдоо оролцжээ.
Тэрбээр тус театрт Ж.Вердийн сонгодог бүтээл “Риголетто” дуурийг дөрвөн удаа дуулах бөгөөд хүүхдүүдэд зориулсан тоглолтод мөн оролцох юм.
Дуучин Э.Амартүвшин энэ сарын 25, 29, хоёрдугаар сарын 1-нд тайзнаа дуулах бол хүүхдэд зориулсан дуурийг 25, 26, 31, хоёрдугаар сарын 1-нд тус тус тоглоно.
Тус театрт тоглогдох Ж.Вердийн сонгодог бүтээл “Риголетто” дуурийг өдгөө 85 настай дэлхийн домогт удирдаач Нелло Санти удирдаж байгаа аж.
Э.Амартүвшин өөрийн цахим хуудаснаа “Амьдралд минь тохиох бас нэгэн гайхалтай үдэш байлаа. Напеоли хотын алдарт “Сан Карло” дуурийн театрт “Реголетто” дуурийн эхний тоглолтоо амжилттай дууллаа. Маш том даваа байлаа. Агуу удирдаач Нелло Сантитай дуулах хувь тохиолоо. Гайхалтай үдэш байв. Хамтран дуулсан гайхамшигтай дуучиддаа баярлалаа” хэмээжээ.
| Э.Амартүвшин Италийн алдарт “Сан Карло” театрт тоглолоо | ||
| Үзсэн: 1163 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.