Үндэсний телевиз
Цагийн хүрд
Найм арваннэг
Говь-Алтай аймгийн Чандмань суманд энэ сарын 14-нд тэмээний баяр боллоо. Уг баярын зорилго нь тэмээн сүргийн үүлдэр угсааг сайжруулах, тоо толгойг өсгөх, малчин, тэмээчний туршлагыг солилцуулах, тэдний хөдөлмөрийг үнэлэх, алдаршуулах, дотоод гадаадын зочин, жуулчдын сонирхлыг Говь-Алтай аймгийн тэмээнд суурилсан аялал жуулчлалд татахад оршиж байна.
Энэхүү арга хэмжээг тус аймгийн бүх сумын иргэд ээлжлэн зохион байгуулдаг уламжлалтай.
Сүүлийн жилүүдэд Монгол тэмээний тоо толгой ихээр хорогдсон учраас тэмээний зүй бус хорогдлыг эрс багасгаж, нөхөн үйлдвэрлэлийн чадамжийг бүрэн ашиглах нь туйлын бэрхшээлтэй асуудал болсон гэдгийг албаныхан онцлох болсон.
Тиймээс тэмээн сүргийн тоо толгойг нэмэгдүүлэх, үүлдэр угсааг сайжруулах, тэмээчдийн хөдөлмөрийг үнэлэхэд тэмээний баяр, их ач холбогдолтой гэж салбарынхан үзэж байна. Монгол Улсад дэлхийн тэмээний хоёр хувь, хос бөхт тэмээний 30 хувь байдаг.
Атны уралдаанд Бигэр сумын тэмээчин Төрбатын хар, торомны уралдаанд Чандмань сумын тэмээчин Гүнчигийн хүрэн түрүүллээ.
| Говь-Алтай аймгийн Чандмань суманд тэмээний баяр боллоо | ||
| Үзсэн: 2415 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.