Цаг уур, орчны шинжилгээний газраас гаргасан 2018 оны 3 дугаар сарын 12-ноос 3 дугаар сарын 19-нийг хүртэлх 7 хоногийн цаг агаарын урьдчилсан мэдээг та бүхэнд хүргэж байна.

- Хугацааны эхний хагаст зарим газраар цас орж,  зөөлөн цасан шуурга шуурч, хүйтэрнэ -

Баруун аймгуудын нутгаар: Гуравдугаар сарын 12, 16-нд нутгийн хойд хэсгээр, 13-нд зарим нутгаар, 14-нд нутгийн зүүн хэсгээр, 17-нд нутгийн баруун хэсгээр, 18-нд ихэнх нутгаар цас орж, зөөлөн цасан шуурга шуурна. Салхи 12-13-нд зарим газраар, 14,18-нд нутгийн өмнөд хэсгээр түр зуур 18-20м/с хүрч ширүүснэ. 13-нд нутгийн хойд хэсгээр, 14-нд нутгийн зүүн хэсгээр, 18-нд нутгийн баруун хэсгээр бага зэрэг хүйтэрнэ. 12-нд бүх нутгаар хүйтний эрч эрс суларна. Бусад хугацаанд Увс нуур, Идэр, Тэсийн хөндий, Завхан голын эхээр шөнөдөө 18-23 хэм, өдөртөө 2-7 хэм хүйтэн, Алтайн өвөр говиор шөнөдөө 0-5 хэм хүйтэн, өдөртөө 11-16 хэм дулаан, бусад нутгаар шөнөдөө 9-14 хэм хүйтэн, өдөртөө 5-10 хэм дулаан байна.

Төвийн аймгуудын нутгаар: Гуравдугаар сарын 12-нд нутгийн хойд хэсгээр, 13-нд ихэнх нутгаар, 14-нд Хангайн уулархаг нутгаар цас орж, зөөлөн цасан шуурга шуурна. 18-нд нутгийн баруун хойд хэсгээр бага зэргийн цас орно. 12-13нд салхи зарим газраар 14-16м/с хүрч ширүүснэ. 12-нд бүх нутгаар хүйтэн эрс суларна. 13-нд нутгийн хойд хэсгээр, 14-нд ихэнх нутгаар, 15-нд нутгийн зүүн хэсгээр хүйтэрч Дархадын хотгор, Орхон-Сэлэнгэ, Хараа, Ерөө, Туул, Тэрэлж голын хөндий, Хэнтийн уулсаар шөнөдөө 22-27 хэм, өдөртөө 9-14 хэм, бусад нутгаар шөнөдөө 16-21 хэм, өдөртөө 5-10 хэм хүйтэн байна. Цааашхи хугацаанд хүйтний эрч суларч Дархадын хотгор, Хэнтийн уулс, голуудын саваар шөнөдөө 16-21 хэм өдөртөө 2-7 хэм, бусад нутгаар шөнөдөө 8-13 хэм хүйтэн, өдөртөө  3-8 хэм дулаан байна.

Зүүн аймгуудын нутгаар: Гуравдугаар сарын 12-13нд нутгийн хойд хэсгээр, 14-нд нутгийн өмнөд хэсгээр цас орж, салхи зарим газраар түр зуур 15-17м/с хүрч зөөлөн цасан шуурга шуурна. 13-нд нутгийн хойд хэсгээр, 14-15-нд ихэнх нутгаар хүйтэрч Хэрлэн, Онон, Улз, Халх голын хөндийгөөр шөнөдөө 22-27 хэм, өдөртөө 9-14 хэм, бусад нутгаар шөнөдөө 15-20 хэм, өдөртөө 4-9 хэм хүйтэн байна. Бусад хугацаанд хүйтний эрч суларч Онон, Улз, Халх голын хөндийгөөр шөнөдөө 17-22 хэм, өдөртөө 3-8 хэм, бусад нутгаар шөнөдөө 10-15 хэм, өдөртөө 1 хэм хүйтнээс 4 хэм дулаан байна.

Говийн аймгуудын нутгаар: Гуравдугаар сарын 14-нд зарим газраар бага зэргийн цас орж, зөөлөн цасан шуурга шуурна. Салхи 12-нд Арц Богдын өвөр хоолойгоор, 13-14-нд ихэнх нутгаар түр зуур 16-18м/с хүрч ширүүснэ. 12-13нд ихэнх нутгаар шөнөдөө 1-6 хэм хүйтэн, өдөртөө 13-18 хэм дулаан байна. 14-15-нд хүйтэрч Дундговийн нутгаар шөнөдөө 13-18 хэм, өдөртөө 0-5 хэм, бусад нутгаар шөнөдөө 8-13 хэм хүйтэн, өдөртөө 2 хэм хүйтнээс 3 хэм    дулаан байна. Цаашдаа хүйтний эрч суларч шөнөдөө 6-11 хэм хүйтэн, өдөртөө 8-13 хэм дулаан байна.