Цаг уур, орчны шинжилгээний газраас гаргасан 2018 оны 3 дугаар сарын 19-нөөс 3 дугаар сарын 26-ныг хүртэлх 7 хоногийн цаг агаарын урьдчилсан мэдээг та бүхэнд хүргэж байна.

- Хугацааны эхээр нутгийн баруун өмнөд хэсгээр, дунд үеэр зарим газраар хур тунадас орно -

Баруун аймгуудын нутгаар: Гуравдугаар сарын 19-нд зарим газраар, 20,25-нд нутгийн хойд хэсгээр хур тунадас орно. Салхи 24-нд Алтайн уулсаар, 25-нд зарим газраар 14-16м/с хүрч ширүүснэ. Ойрын 3 хоногт сэрүүвтэр байх ч сүүлийн хагаст Увс нуур, Идэр, Тэсийн хөндий, Завхан голын эхээр шөнөдөө 16-21 хэм хүйтэн, өдөртөө 2-7 хэм дулаан, Алтайн өвөр говиор шөнөдөө 3-8 хэм, өдөртөө 16-21 хэм дулаан, бусад нутгаар шөнөдөө 4-9 хэм хүйтэн, өдөртөө 9-14 хэм хүрч дулаарна.   

Төвийн аймгуудын нутгаар: Гуравдугаар сарын 19-нд Хангайн уулархаг нутгаар, 20,25-нд нутгийн хойд хэсгээр,  21-нд зарим нутгаар хур тунадас, уулархаг нутгаар бага зэргийн нойтон цас орж, явган шуурга шуурна. Салхи 21,25-нд зарим газраар 12-14 м/с хүрч ширүүснэ. Ойрын 3 хоногтоо Дархадын хотгороор шөнөдөө 19-24 хэм, өдөртөө 1-6 хэм, Хараа, Ерөө, Туул, Тэрэлж голын хөндий, Хэнтийн уулсаар шөнөдөө 15-20 хэм хүйтэн, өдөртөө 1-6 хэм дулаан, бусад нутгаар шөнөдөө 8-13 хэм хүйтэн, өдөртөө 4-9 хэм дулаан байна. Цаашдаа дулаарч 23-25-нд Дархадын хотгор, Хэнтийн уулс, голуудын саваар шөнөдөө 11-16 хэм хүйтэн өдөртөө 3-8 хэм дулаан, бусад нутгаар шөнөдөө 3-8 хэм хүйтэн, өдөртөө 10-15 хэм хүрч дулаарна.

Зүүн аймгуудын нутгаар: Гуравдугаар сарын 20-нд нутгийн хойд хэсгээр, 21-22нд зарим газраар бага зэргийн хур тунадас орно. Салхи 21-22,25-нд зарим газраар 12-14м/с хүрч ширүүснэ. 19-23-нд  Хэрлэн, Онон, Улз, Халх голын хөндийгөөр шөнөдөө 15-20 хэм хүйтэн, өдөртөө 1-6 хэм дулаан, бусад нутгаар шөнөдөө 8-13 хэм хүйтэн, өдөртөө 5-10 хэм дулаан байна. 23-25-нд Онон, Улз, Халх голын хөндийгөөр шөнөдөө 9-14 хэм хүйтэн, өдөртөө 3-8 хэм дулаан, бусад нутгаар шөнөдөө 4-9 хэм хүйтэн, өдөртөө 10-15 хэм хүрч дулаарна.

Говийн аймгуудын нутгаар: Гуравдугаар сарын 19-нд нутгийн баруун хэсгээр, 20-нд нутгийн зүүн хэсгээр, 21-нд зарим газраар хур тунадас орж, явган шуурга шуурна. Салхи 21,24-нд Арц Богдын өвөр хоолойгоор, 25-нд зарим газраар 12-14м/с хүрч ширүүснэ. 19-21-нд Дундговийн нутгаар шөнөдөө 4-9 хэм хүйтэн, өдөртөө 5-10 хэм дулаан, бусад нутгаар шөнөдөө 0-5 хэм хүйтэн, өдөртөө 8-13 хэм дулаан байна. Цаашдаа ихэнх нутгаар шөнөдөө 2 хэм хүйтнээс 3 хэм дулаан, өдөртөө 12-17 хэм хүрч дулаарна.