Цаг уур, орчны шинжилгээний газраас гаргасан 2018 оны 4 дүгээр сарын 02-ноос 4 дүгээр сарын 09-нийг хүртэлх 7 хоногийн цаг агаарын урьдчилсан мэдээг та бүхэнд хүргэж байна.

- Хугацааны дунд үеэр ихэнх нутгаар хур тунадас нойтон цас орж, шуурч хүйтэрнэ -

Баруун аймгуудын нутгаар: Дөрөвдүгээр сарын 2-нд Алтайн уулархаг нутгаар бага зэргийн хур тунадас, 3-нд нутгийн баруун хэсгээр, 4-нд ихэнх нутгаар, 5-нд нутгийн зүүн хэсгээр хур тунадас нойтон цас орно. Салхи 2-3нд Алтайн уулархаг нутгаар, 4-нд зарим газраар 15-17м/с, Алтайн уулархаг нутгаар зарим үед 18-20м/с хүрч шороон болон цасан шуурга шуурна. 2-5-нд хүйтэрч Увс нуур, Идэр, Тэсийн хөндий, Завхан голын эхээр шөнөдөө 18-23 хэм, өдөртөө 3-8 хэм, Алтайн өвөр говиор шөнөдөө 1-6 хэм хүйтэн, өдөртөө 9-14 хэм дулаан, бусад нутгаар шөнөдөө 9-14 хэм хүйтэн, өдөртөө 4 хэм хүйтнээс 1 хэм дулаан байна. 6-наас ихэнх нутгаар дулаарна. 

Төвийн аймгуудын нутгаар: Дөрөвдүгээр сарын 2-нд зарим газраар, 4-5нд ихэнх нутгаар, 6,8-нд нутгийн зүүн  хэсгээр хур тунадас, нойтон цас орно. Салхи 4-5нд ихэнх нутгаар 14-16м/с, нутгийн өмнөд хэсгээр зарим үед 18-20м/с хүрч цасан болон шороон шуурга шуурна. 2,6-нд зарим газраар 7-12м/с хүрч ширүүснэ. 3,7-нд ихэнх нутгаар, 4-нд нутгийн зүүн хагаст бага зэрэг дулаарна. Бусад хугацаанд хүйтэрч Дархадын хотгор, Хараа, Ерөө, Туул, Тэрэлж голын хөндий, Хэнтийн уулсаар шөнөдөө 15-20 хэм өдөртөө 3-8 хэм, бусад нутгаар шөнөдөө 8-13 хэм, өдөртөө 1 хэм хүйтнээс 4 хэм дулаан байна.

Зүүн аймгуудын нутгаар: Дөрөвдүгээр сарын 4-нд нутгийн баруун хэсгээр, 5-нд ихэнх нутгаар, 6-нд нутгийн өмнөд хэсгээр, 8-нд зарим газраар хур тунадас нойтон цас орно. Салхи 2,4-6-нд зарим газраар 14-16м/с, 5-нд зарим үед 18-20м/с хүрч шороон ба цасан шуурга шуурна. 4-нд багазэрэг дулаарна. Бусад хугацаанд хүйтэрч Хэрлэн, Онон, Улз, Халх голын хөндийгөөр шөнөдөө 11-16 хэм, өдөртөө 1-6 хэм, бусад нутгаар шөнөдөө 7-12 хэм хүйтэн, өдөртөө 1-6 хэм дулаан байна.

Говийн аймгуудын нутгаар: Дөрөвдүгээр сарын 2-нд нутгийн зүүн хэсгээр, 3-нд нутгийн хойд хэсгээр ялимгүй хур тунадас, 4-5нд зарим газраар хур тунадас нойтон цас орно. Салхи 2-3нд Арц Богдын өвөр хоолойгоор, 4-5нд ихэнх нутгаар 18-20м/с хүрч шороон ба цасан шуурга шуурна. 3-4нд ихэнх нутгаар бага зэрэг дулаарна. Бусад хугацаанд хүйтэрч нутгийн хойд хэсгээр шөнөдөө 8-13 хэм хүйтэн, өдөртөө 1-6 хэм дулаан, бусад нутгаар шөнөдөө 5-10 хэм хүйтэн, өдөртөө 5-10 хэм дулаан байна. 7-ноос бага зэрэг дулаарна.