Монголын эсрад, поп рок дууны ертөнцөд өөрийн тогтсон хэв маягийг гаргаж буй дуучин Ш.Хүрэлбаатар бие даасан анхын уран бүтээлийн цомог, тоглолтоо өнгөрсөн жил “Миний дурласан бүсгүй” нэртэйгээр үзэгч сонсогчиддоо хүргэсэн билээ.

Харин энэ онд уран бүтээлээ 20 дугаар зууны шүлэг, аялгуу утга төгөлдөр дууны их мастеруудын дуунуудаас сэдэвчлэн сонгож 21 дугаар зууны хүүхэд багачууд, сурагчиддаа хүргэх үүднээс доорх дуунуудыг албан ёсны зөвшөөрөлтөйгөөр шинэчилсэн хөгжмийн найруулга, дуугаралт, өнгө аястай мэргэжлийн өндөр түвшинд бүтээгдэж байгаагаар онцлог  бөгөөд тус цомог 10 дуутай “Сурагч насны дурсамж” нэртэйгээр  худалдаанд гарахад бэлэн болоод байна.

Тус цомгыг бүтээснээрээ мартагдах шахсан тэрхүү дуунуудыг одоо болон ирээдүй хойч үедээ сурталчлан таниулах, зааж сурган  хүмүүжүүлэн урлаг соёлын боловсрол олгоход гол зорилго оршино.

Мөн 2018 оны төгсөгчдөд зориулж “Сурагч насны дурсамж” богино хэмжээний кино концерт бүтээхээр зураг авалтандаа оржээ.