ММСУХ-ны VII их хурлын өмнө орон нутгийнхаа уяачдынхаа санаа бодлыг хуваалцах, тэдний хүсэл зоригийг тусгах зорилго бүхий “Уяачдын зөвлөгөөн” Монгол орны өнцөг булан бүрт өрнөсөн билээ.

Энэ сарын 6-наас эхэлсэн “Монгол уяач-3000” зөвлөгөөний баруун бүсийг ММСУХ-ны Ерөнхийлөгчийн үүрэг гүйцэтгэгч М.Мөнхбаясгалан тэргүүтэй төлөөлөгчид хариуцаж, тус баг тавдугаар сарын 6-нд Говь-Алтай, 7-нд Ховд, 8-нд Баян-Өлгий, 9-нд Увс, 21-нд Баянхонгор, 23-нд Завхан, 25-нд Архангай аймагт ажиллаж уяачдынхаа санаа бодлыг сонслоо. 

Орон нутгийн уяачид ээлжит их хурлын өмнө ийнхүү санал хүсэлтийг нь хуваалцаж буйд талархаж буйгаа илэрхийлэн саналын хуудсаар дамжуулж өөрсдийн бодлоо хүргэж байгаа юм.

Тэд эрлийз, Монгол адууг сэрвээний өндөр, үүлдэрлэг байдлаар ялгах, “Дүнжингарав” хаврын уралдааны товыг хуульчлах, эрлийз хурдан морьдыг тусад нь өөр уралдаантай болгох, аймгийн Манлай хэмээх шинэ цолтой болох, улсын цолны болзолд соёолон насны адууны амжилтыг оруулж болохгүй гэдэг дээр санал нэгтэй байлаа. 

 

---

	Уяачдын зөвлөгөөн Баянхонгор, Завхан, Архангай аймагт үргэлжлэв
Үзсэн: 1186	Mongolian National Broadcaster