Цаг уур, орчны шинжилгээний газраас гаргасан 2018 оны 7 дугаар сарын 23-наас 7 дугаар сарын 30-ыг хүртэлх цаг агаарын урьдчилсан мэдээг та бүхэнд хүргэж байна.

- Энэ 7 хоногийн эхээр нутгийн зүүн хэсгээр, дунд үеэс ихэнх нутгаар бороо хуртай, зарим газраар усархаг бороо аадар орох тул үер ус, нөөлөг салхи, аянга цахилгааны аюулаас сэрэмжтэй байхыг онцгойлон анхааруулж байна -

Баруун аймгуудын нутгаар: Долоодугаар сарын 24-нд нутгийн баруун хэсгээр, 25-нд ихэнх нутгаар, 26-нд зарим газраар бороо, 28-29нд зарим газраар түр зуурын бороо аадар орно. Дуу цахилгаантай. Салхи 25-нд нутгийн өмнөд хэсгээр, 26-нд нутгийн зүүн хагаст түр зуур 16-18м/с, бусад хугацаанд борооны өмнө түр зуур ширүүснэ. 25-нд нутгийн баруун хэсгээр, 26-27-нд ихэнх нутгаар сэрүүсч Монгол Алтайн нуруу, Хангайн уулархаг нутаг, Завхан голын эхээр шөнөдөө 4-9 хэм, өдөртөө 14-19 хэм дулаан, Алтайн өвөр говиор шөнөдөө 15-20 хэм, өдөртөө 27-32 хэм дулаан, бусад нутгаар шөнөдөө 9-14 хэм, өдөртөө 19-24 хэм дулаан байна. Бусад хугацаанд Алтай, Хангайн уулархаг нутгаар шөнөдөө 7-12 хэм, өдөртөө 18-23 хэм дулаан, Алтайн өвөр говиор шөнөдөө 18-23 хэм, өдөртөө 30-35 хэм дулаан, бусад нутгаар шөнөдөө 12-17 хэм, өдөртөө 23-28 хэм дулаан байна.

Төвийн аймгуудын нутгаар: Долоодугаар сарын 23-нд ихэнх нутгаар, 25-26нд нутгийн баруун хагаст, 28-29нд зарим газраар түр зуурын бороо, 27-нд ихэнх нутгаар бороо орно. Дуу цахилгаантай. Салхи 26-27нд зарим газраар түр зуур 16-18м/с хүрч ширүүснэ. 27-28нд сэрүүсч Дархадын хотгор, Хөвсгөл, Хангай, Хэнтийн уулархаг нутгаар шөнөдөө 4-9 хэм, өдөртөө 14-19 хэм дулаан, бусад нутгаар шөнөдөө 9-14 хэм, өдөртөө 19-24 хэм дулаан байна. Бусад хугацаанд дулаарна, ялангуяа 24-нд нутгийн баруун хагаст, 25-нд ихэнх нутгаар, 26-нд нутгийн зүүн хагаст шөнөдөө 14-19 хэм, өдөртөө 28-33 хэм хүрч хална.

Зүүн аймгуудын нутгаар: Долоодугаар сарын 23, 27-нд нутгийн баруун хэсгээр, 24,28-нд ихэнх нутгаар, 25-нд нутгийн зүүн хэсгээр, 29-нд зарим газраар түр зуурын бороо аадар орно. Дуу цахилгаантай. Салхи 27-28-нд ихэнх нутгаар түр зуур 14-16м/с, бусад хугацаанд зарим газраар борооны өмнө түр зуур ширүүсэх төлөвтэй. 24,28,29-нд сэрүүсч нутгийн хойд хэсгээр шөнөдөө 8-13 хэм өдөртөө 19-24 хэм дулаан, бусад нутгаар шөнөдөө 11-16 хэм өдөртөө 24-29 хэм дулаан, бусад хугацаанд ихэнх нутгаар шөнөдөө 14-19 хэм өдөртөө 28-33 хэм хүрч хална.

Говийн аймгуудын нутгаар: Долоодугаар сарын 23-нд нутгийн зүүн хэсгээр, 26-нд нутгийн баруун хэсгээр, 27-28 нд ихэнх нутгаар, 29-нд зарим газраар бороо орно. Дуу цахилгаантай. Салхи 26-29 нд зарим газраар түр зуур 15-17м/с хүрч ширүүснэ. 23, 28-нд сэрүүсч Дундговийн нутгаар шөнөдөө 10-15 хэм өдөртөө 21-26 хэм, бусад нутгаар шөнөдөө 14-19 хэм, өдөртөө 25-30 хэм дулаан, бусад хугацаанд шөнөдөө 17-22 хэм өдөртөө 30-35 хэм хүрч хална.