Улсын бүртгэлийн тухай багц хуулийн шинэчилсэн найруулгыг өнөөдрөөс эхлэн мөрдөж байна. Үүнтэй холбоотойгоор иргэд Улсын бүртгэлийн ерөнхий газрын 10 төрлийн үйлчилгээг интернэт орчинтой хүссэн газраасаа цахим хаягаар авах боломжтой болсон.

Тухайлбал, цахим үнэмлэх, оршин суугаа хаяг, төрсний бүртгэл, гэрлэсний, гэрлэсэн эсэх, гэрлэлт цуцлуулсныг бүртгэх тухай болон хуулийн этгээд, үл хөдлөх хөрөнгийн дэлгэрэнгүй лавлагааг www.burtgel.mn хаяганд нэвтэрч авч болно.

Тэгвэл иргэдийн мэдээллийн аюулгүй байдлыг хэрхэн хангаж байна вэ. Энэ асуултад Улсын бүртгэлийн ерөнхий газрын дэд дарга н.Дэлгэрсайхан ингэж хариуллаа.

Иргэд өөрийн тоон гарын үсэг болон гар утасны дугаараараа дээрх цахим хуудсанд нэвтэрч бүртгэлийн мэдээллээ авах юм байна. Харин төрийн байгууллагууд дундын мэдээллийн сангаараа дамжуулан иргэдийг байгууллага хооронд явуулахгүйгээр мэдээллээ солилцоно.

Эхний ээлжинд 10 төрлийн лавлагаа мэдээллийг цахимаар олгож байгаа ч энэ нь иргэдийн бүртгэлийн байгууллагаас авдаг нийт үйлчилгээний бараг 80 орчим хувийг эзэлдэг байна.