Солонгосын дайны үеэр амь үрэгдсэн цэргүүдийн цогцсыг хоёр Солонгос хамтран хайна. Пүрэв гарагт талууд энэ зорилгоо хэрэгжүүлэхийн тулд хоёр Солонгосын хилийн бүсийг холбосон шинэ зам гаргаснаа нээсэн байна. Сул хөрстэй газрыг хоёр талаар зурж тэмдэглэсэн энэ замын талаар “Өнөөдөр бид цэрэг зэвсэггүй бүс дундуур Умард, Өмнөд хоёрыг холбосон нэг шинэ зам тавилаа” гэж Өмнөд Солонгосын Батлан хамгаалахын дэд сайд Су Чүү Сүк ярьжээ. 

Зам гурван км урт, Солонгосын дайны үед амь үрэгдсэн цэргүүдийн цогцсыг эрж хайх ажиллагаа явуулахын тулд хоёр Солонгосын талаас хамтран энэ замыг гаргасан байна. Өнгөрөгч есдүгээр сард Өмнөд болон Умард Солонгосын тэргүүнүүд Пхеньянд уулзах үеэр цэргүүдийн цогцсыг хамтран эрэн хайна гэж тохиролцсон байдаг. 

Хэвлэлүүдэд “Хоёр Солонгосын тэргүүнүүд хилийн зөрчил мөргөлдөөнөө намжаана” гэж тохиролцсоныг нь сануулж байна. Энэ долоо хоногийн эхээр Умардын талаас хилийн бүс дэх цэргийн байрлалуудаа татан буулгаад байна гэсэн мэдээлэл байна.