Энэтхэгт амьдардаг рохинжа иргэд Мьянмарт  хүчээр буцаана гэсэн айдсаасаа болж Бангладеш руу дүрвэж байна. Он гарснаас хойш 1300 рохинжа иргэн Энэтхэгээс Бангладеш руу зугтан дүрвэсэн гэж лхагва гарагт албаны хүн мэдээлсэн байна.

Олон улсын хүний эрхийн байгууллагууд болон НҮБ-аас Энэтхэгийн эрх баригчдыг олон улсын хууль тогтоогмжийг үл хүндэтгэж байна гэж буруутгаж байна. Учир нь Шинэ Дели аюулгүй байдлын хувьд хүндхэн нөхцөл байдалтай тулаад байгаа цөөнх иргэдээ үл тоож Мьянмарын талд шилжүүлж байгаа нь ширүүн шүүмжлэлд өртөж байна. 

Тоон мэдээллийг аваад үзвэл, дүрвэгсдийн конвенцид гарын үсэг зурж нэгдээгүй Энэтхэг улс 2018 онд 230 орчим рохинжа иргэнээ баривчилсан нь сүүлийн жилүүдийн хамгийн өндөр тоо байна. Энэтхэгийн цөөнх рохинжа хүмүүсийг Хинду үндэстнүүд нь улс орноосоо хөөн гаргахыг уриалж байгаа юм.

Энэ тухай Өмнөд Азийн Хүний эрхийн нөхцөл байдлыг баримтжуулах төвийн ажилтан Рав На-йр “Өнгөрсөн жил Энэтхэгийн Засгийн газар тус улсад амьдардаг рохинжа иргэдийн амьдралыг хүнд хэцүү болгосон орон нутгийн тагнуулын ажилтнууд Энэтхэгт амьдардаг рохинжа иргэдийг байн байн шалгаж бидний өөрсдийн тооцоогоор 200 гаруй хүн баривчлагдаж, хоригдоод байна” гэж ярьжээ.