Тунисийн төрийн байгууллагынхан нийтээрээ ажил хаяж байна. Бүх нийтийн ажил хаялтад 670 мянган төрийн албан хаагч цалин нэмэхээс татгалзаж буй Засгийн газрын эсрэг нэгджээ. Тус улсын агаарын тээвэр, сургууль, цэцэрлэг, төрийн мэдлийн хэвлэл мэдээллийн хэрэгслүүд ч энэ ажил хаялтыг дэмжжээ. 

Нэг өдрийн ажил хаялтын улмаас Тунисийн агаарын тээвэр үйл ажиллагаагаа зогсоож, зорчигчдоо захиалгаа өөрчлөхийг хүссэн байна. Энэ компани 16 нислэгээ хойшлуулжээ. Гэхдээ нисэх буудал, боомт, автобус, галт тэрэг зэрэг чухал салбарууд бага хүчээр ажиллана гэж Тунисийн Ерөнхий сайд Юсеф Шахед мэдэгдсэн байна.

Олон улсын алютын сангаас Турнис улсын эрх баригчдыг улсынхаа төсвийн алдагдлыг багасгах шинэчлэийн хүрээнд нийтийн үйлчилгээ буюу төрийн албаныхны цалин хөлсийг өсгөхгүй байх чиглэл өгчээ.

Тэд 2011 онд Тунисийн хоёр дахь Ерөнхийлөгч Зин аль-Абидин Бен Алиг огцорсноос хойш хямралд ороод байгаа Тунис улсад хийх хөрөнгө оруулалтаа зогсооно гэж анхааруулж байгаа юм. Харин Тунисийн Засгийн газар цалин хөлс нэмэгдүүлэхэд зориулж, Үйлдвэрчний эвлэлээс нь шаардсан 850 сая долларын талыг буюу 400 сая доллар төсөвт төвлөрүүлэхээр төлөвлөж буй юм байна.