Үндэсний телевиз
Цагийн хүрд
Найм арваннэг
АНУ, БНХАУ “худалдааны дайн”-даа цэг тавихад ойртжээ. Хоёр улсын худалдааны гэрээ хэлэлцээр төгсгөлийн шатандаа ирсэн гэдгийг эх сурвалжийн мэдээлэлд үндэслэн “Уолл стрит журнал” сонин мэдээлсэн байна.
АНУ-ын Ерөнхийлөгч Дональд Трамп, БНХАУ-ын дарга Ши Жиньпин нар уг асуудалтай холбогдуулан энэ сарын 27-нд ээлжит уулзалтаа зарлаж магадгүй гэж эх сурвалж мэдэгдлээ. Үүнээс өмнөхөн БНХАУ-ын дарга Ши Жиньпин Итали, Франц улсад айлчлал хийх юм.
Худалдааны гэрээгээр талууд ихэнх хоригоо цуцалж магадгүй байна. Тухайлбал, БНХАУ АНУ-гаас оруулж ирдэг хөдөө аж ахуй, химийн бүтээгдэхүүн, автомашины гаалийн татварыг бууруулах төлөвтэй байгаа юм. Харин Вашингтоны зүгээс Хятадаас импортлодог бараа бүтээгдэхүүнд өнгөрсөн жилээс тавьсан ихэнх хоригоо цуцлах магадлалтай байна.
Ингэхдээ талуудын дунд хэд хэдэн асуудал шийдэгдэлгүй үлдэнэ. Үүнээс гадна АНУ, Хятадын төлөөлөгчид эсрэг талынхандаа хэт ашигтай нөхцөл бүрдүүлсэн асуудлаар улс орондоо шүүмжлэлд өртөж болзошгүй байна гэж шинжээчид анхааруулжээ.
| Худалдааны дайнд цэг тавих ойртжээ | ||
| Үзсэн: 695 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.