Үндэсний телевиз
Цагийн хүрд
Найм арваннэг
Хятадын мэдээлэл харилцааны технологийн “Хуавэй” компанийн Санхүү эрхэлсэн захирал Мэн Ваньжоу Канадын засаг захиргааны эсрэг иргэний нэхэмжлэл гаргалаа. Тэрбээр Канадын хилийн болон цагдаагийн алба, Засгийн газрыг өөрийг нь хууль бусаар саатуулсан, Үндсэн хуулиар олгосон эрхийг нь зөрчсөн гэж буруутгажээ.
Мөн энэ хэрэгт хамаарал бүхий эрх бүхий албан тушаалтнуудад зохих шийтгэл хүлээлгэх, саатуулсантай нь холбоотой үүссэн хохирлыг нөхөн төлүүлэхийг шаардсан байна. Мэн Ваньжоу нь өнгөрсөн оны 12 дугаар сарын 1-нд Ванкуверийн нисэх онгоцны буудалд саатуулагдсан юм.
Түүнийг АНУ-ын хүсэлтээр Канадын засаг захиргаа баривчилжээ. АНУ-аас “Хуавэй” компани болон Санхүү эрхэлсэн захирлыг үйлдвэрлэлийн тагнуул хийсэн, Ираны эсрэг хоригийг зөрчсөн зэрэг 23 зүйл заалтаар буруутгаад байсан юм. Мэн Ваньжоуг АНУ-д шилжүүлэх асуудлаар энэ сарын 6-нд сонсгол явуулах юм байна.
| Мэн Ваньжоу Канадын засаг захиргааны эсрэг иргэний нэхэмжлэл гаргалаа | ||
| Үзсэн: 559 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.