Үндэсний телевиз
Цагийн хүрд
Найм арваннэг
Венесуэлийн засаг захиргаа Орос, Хятад, Иран, Куба улс, мөн Нэгдсэн Үндэстний Байгууллагаас цахилгаан хангамжийн системд нь гарсан халдлагыг мөрдөн шалгахад тусламж хүслээ. Энэ тухай мэдээллийг тус улсын Ерөнхийлөгч Николас Мадуро өчигдөр гаргасан байна.
Тэрбээр “Би НҮБ, түүнчлэн Орос, Хятад, Иран, Кубаас тусламж хүсч байна. Тэд кибер халдлагаас хамгаалах асуудалд илүү туршлагатай” гэж мэдэгджээ.
Түүний хувьд кибер халдлагыг судлах Ерөнхийлөгчийн тусгай комисс томилсон гэжээ. Венесуэл улсад энэ сарын 7-нд цахилгаан эрчим хүчний доголдол үүсч, газар нутгийн ихэнх хэсэг нь цахилгаангүй болсон. Энэ нь Боливар мужийн Симон Боливарын нэрэмжит усан цахилгаан станцад хорлон сүйтгэх ажиллагаа гарсантай холбоотой гэж тус улсын засаг захиргаанаас мэдээлж байлаа.
Өчигдрийн байдлаар газар нутгийн ихэнх хэсэгт цахилгаан эрчим хүч өгч эхэлсэн гэж Венесуэлийн Холбоо, соёлын асуудал эрхэлсэн дэд Ерөнхийлөгч, Холбоо, мэдээллийн сайд Хорхе Родригес мэдэгдсэн байна.
| Николас Мадуро: Би НҮБ болон Орос, Хятад, Иран, Кубаас тусламж хүсч байна | ||
| Үзсэн: 537 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.