Хятадын дарга Ши Жиньпин энэ сарын 21-26-ны өдрүүдэд айлчлал хийх юм байна. Айлчлалын эхний зогсоол Итали улс. Тэрбээр Хятадын “Нэг бүс-нэг зам” санаачилгад Италийн талаас оролцох тухай яриа хэлэлцээ хийж магадгүй гэж хэвлэлүүд бичиж байна. Хоёр улс дэд бүтцийн хангамж нийлүүлэлт, хамтын ажиллагааг сайжруулах талаар санамж бичиг байгуулах төлөвлөгөөтэй байгаа юм байна.  

Грек, Португал зэрэг Европын холбооны зарим улс Хятадтай энэ тал дээр санамж бичиг байгуулчихсан. Хэрэв Итали улс үүнд гарын үсэг зурвал аж үйлдвэрлэл хөгжсөн долоон улсаас “Нэг бүс-нэг зам” санаачилгад нэгдсэн анхны улс болно.

Хятадын гадаад хэргийн яамны хэвлэлийн төлөөлөгч Хятадын талын энэ санаачилгын хүрээнд хоёр улс хамтран ажиллах нь харилцан ашигтай. Итали улс өөрийн ашиг сонирхолд тулгуурлан зөв шийдвэр гаргана гэж найдаж байна гэж мэдэгджээ.