Он гарсаар манай улстай хил залгаа орших ОХУ-ын Байгалийн чинад дахь хязгаарын Пригонский районд мал, амьтны гоц халдварт шүлхий өвчин А хэвшил, БНХАУ-ын Кинхай мужид А хэвшил, Түвдийн өөртөө засах орон, Сичуан мужид О хэвшил,  манай улсын Сүхбаатар аймгийн Онгон, Наран, Дарьганга, Баяндэлгэр, Түвшинширээ сумдад тус тус оношлогдсон. Энэ нөхцөл байдалтай холбогдуулан шүлхий өвчин зөөвөрлөгдөн орохоос сэргийлэх зорилгоор “Мал, амьтны гоц халдварт шүлхий өвчнөөс урьчилан сэргийлэх ажлыг эрчимжүүлэх тухай” Нийслэлийн Онцгой комиссын даргын тушаал, Багануур дүүргийн Засаг захирамж, НМХГ-ын дүүрэг дэх хэлтсийн даргын баталсан хуваарийн дагуу “Хэрлэн”-гийн Автотээврийн шалган бүртгэх товчоон дээр шалгалтын ажлыг зохион байгуулж, илэрсэн зөрчил дутагдлыг арилгуулахаар ажиллаж байна.

Дорнод аймгийн Хэрлэн, Булган, Хэнтий аймгийн Чингис хот, Баян-Овоо сум, Сүхбаатар аймгийн Түмэнцогт сумаас малын махыг ариун цэврийн гарал үүсэлгүй тээвэрлэсэн зөрчил илэрсэн тул “Малын удмын сан, эрүүл мэндийг хамгаалах тухай” хуулийн холбогдох заалтыг үндэслэн 12 иргэнд нийт 310.0 мянган төгрөгийн шийтгэврийн арга хэмжээ ногдуулж, газар дээр нь барагдуулжээ.