Үндэсний телевиз
Цагийн хүрд
Найм арваннэг
Умард Солонгос улс пүрэв гарагт Япон тэнгисийн зүг бага тусгалын хоёр пуужин хөөргөлөө гэж Японы Засгийн газар мэдэгдлээ. “Пуужингууд манай эдийн засгийн бүсэд хүрээгүй. Үндэсний аюулгүй байдалд шууд аюул заналхийлэл учруулаагүй” гэж Японы Засгийн газрын төлөөлөгчийн хэлснийг “Киодо” агентлаг дамжуулсан юм.
Өмнөд Солонгосын Зэвсэгт хүчний штабуудын дарга нарын хорооноос ч Умард Солонгосыг зүүн зүг үл мэдэгдэх хоёр төхөөрөмж хөөргөсөн гэж өмнө нь мэдэгдсэн билээ. Пуужингуудыг Умард Солонгосын Вонсан хотоос Япон тэнгисийн зүг пүрэв гарагийн 05 цаг 34 минут, 05 цаг 57 минутын үед хөөргөж, пуужингууд 430 км орчим нисчээ. Өмнөд Солонгосын тал нөхцөл байдлыг ажиглаж, цэргийн бэлэн байдалд байна гэжээ.
Харин АНУ-ын зүгээс бага тусгалын нэг пуужин хөөргөсөн нь тодорхой байна гэсэн мэдээлэл өгчээ. Умард Солонгос улс хамгийн сүүлд тавдугаар сарын 9-нд зүүн чиглэл рүү пуужин хөөргөсөн юм.
| Умард Солонгос Япон тэнгисийн зүг бага тусгалын хоёр пуужин хөөргөжээ | ||
| Үзсэн: 1221 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.