Үндэсний телевиз
Цагийн хүрд
Найм арваннэг
Архангай аймгийн Өгийнуур сумын Орхон багийн “Өгий” нуурын “Урд мэргэн шанаа” гэдэг газар иргэн Б-гийн түрээслүүлдэг байшин Ням гарагийн үдэш шатсан тухай мэдээлэл ОБЕГ-ын Мэдээлэл, шуурхай удирдлагын төвд иржээ. Урьдчилсан байдлаар түрээслэгч иргэд бензинийг устай андуурч зөөврийн хийн тулган дээрх саванд хийснээс гал гарсан гэж үзэж байгаа аж.
Гал түймрийг “Өгий” нуурт амарч, аялж явсан 105 хүн, 22 автомашинтай ажиллаж унтраажээ. Уг байшинд Булган аймгаас нийслэлийн Налайх дүүрэг рүү явах замдаа амарч явсан 15 хүн байснаас 5-73 насны 12 хүн түлэгдэж 1 хүүхэд нас барсан байна. Гэмтсэн иргэдийг сумын эмнэлэгт хэвтүүлэн эмчилж байгаад өчигдөр нисдэг тэргээр 10 иргэнийг ГССҮТ-д авчирчээ. Хоёр иргэнийг ар гэрийнхэн нь машинаар тээвэрлэн Улаанбаатар хот руу явсан байна.
| Галд өртсөн 10 иргэнийг нисдэг тэргээр ГССҮТ-д авчирчээ | ||
| Үзсэн: 3179 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.