Хүн төрөлхтний бий болгосон олон гайхамшигтай зүйлийн нэг нь спорт, спортын хаан нь хөлбөмбөг, хөлбөмбөгийн оргил нь ДАШТ билээ. Дэлхий нийтээрээ дөрвөн жил хүсэн хүлээдэг агуу баяр эхлэхэд яг 100 өдөр үлдлээ. 20 дахь удаагийн ДАШТ ирэх зургадугаар сарын 12-ны үдэш тэмцээнийг зохион байгуулагч Бразил болон хорватын шигшээ багийн тоглолтоор эхлэж, бүтэн сарын турш үргэлжилж, долдугаар сарын 13-нд дэлхийн аварга багийн нэр тодрох юм. “Тод харуулна” уриатай “ETV HD” телевиз ДАШТ-ийг шууд дамжуулан үзүүлэх эрхийг албан ёсоор авч, монголчууд та биднийг энэхүү гайхалтай үйл явдлын гэрч болгоход 100 хоног үлдлээ.