Үндэсний телевиз
Цагийн хүрд
Найм арваннэг
Франц улсад өнөөдөр экс Ерөнхийлөгч Жак Ширактайгаа салах ёс гүйцэтгэх гашуудлын өдөр тохиож байна. Елисейн ордны мэдээлж байгаагаар Парис хотноо болох гашуудлын ёслолын ажиллагаанд дэлхийн 80 улсын төрийн тэргүүн оролцох юм байна.
Тэдний дунд Жак Ширактай нөхөрсөг харилцаатай Оросын төрийн тэргүүн Владимир Путинээс гадна Италийн тэргүүн, Германы Ерөнхийлөгч, Бельги, Ливаны Ерөнхий сайд, Евро комиссын тэргүүн зэрэг удирдагчид багтжээ. Ёслолын ажиллагааг Францын өнөөгийн төрийн тэргүүн Эммануэль Макрон тэргүүлэх юм.
Жак Ширакийг нутаглуулах энэ өдөр орон даяар гашуудлын өдөр болгон зарлаж, төрийн байгууллагуудын бүх далбааг буулгасан байна. Экс Ерөнхийлөгчийн гэргийн хүсэлтийн дагуу түүнийг Монпарнас оршуулгын газарт талийгаач охиных нь дэргэд нутаглуулахаар болжээ.
Жак Ширак нь есдүгээр сарын 26-нд 87 насандаа таалал төгссөн юм. Францын ихэнх иргэд түүнийг улсынхаа түүхэн дэх хамгийн шилдэг Ерөнхийлөгч хэмээн нэрлэдэг билээ.
| Франц улсад гашуудлын өдөр болж байна | ||
| Үзсэн: 430 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.