- Өнөөдөр буюу 2020 оны нэгдүгээр сарын 10-ны өдөр болох зарим үйл явдлын хураангуйг хүргэж байна –

Муис-ийн номын сан

09:00 цагт: “Гадаад улсад ур чадвар эзэмшсэн иргэдийн хөдөлмөр эрхлэлтийг дэмжье” хэлэлцүүлэг болно.

МОНЦАМЭ агентлагийн Мэдээллийн төв

11:00 цагт: Үндэсний мэдээллийн МОНЦАМЭ агентлагийн “Монгол Мессенжер” сонины газраас ИБУИНВУ-ын Элчин сайдын яамтай хамтран англи хэлээрх эссэ бичлэгийн уралдааныг хоёр дахь жилээ зохион байгууллаа. Улаанбаатар хотын англи хэлний сургалттай ерөнхий боловсролын сургуулийн 10-12 дугаар ангийн сурагчдын дунд “Монгол Улс юугаараа алдартай байж болох вэ” сэдвийн дор зарласан тус уралдааны шилдгүүдэд шагнал гардуулах ёслол болно.

Үндэсний мэдээллийн төв

10:30 цагт: Зээлдэгчдийн холбооноос “Ахмадын тэтгэврийн зээлийг тэглэхтэй” холбоотой асуудлаар мэдээлэл хийнэ.

11:00 цагт: Ахмадуудын ТББ-уудын холбоодын төлөөллөөс “Ахмад настны тэтгэврийн зээлийг тэглэх тухай” асуудлаар хэвлэлийн хурал хийнэ.

11:30 цагт: Монголын их хөгжлийн холбооноос мэдээлэл хийнэ.

Сүхбаатарын талбай

11:40 цагт: ШИНЭ нам, төрийн бус байгууллагууд, иргэний нийгмийн хөдөлгөөнүүд болон бага зээлтэй, зээл аваагүй ахмадууд, тэдгээрийн үр хүүхдүүд жагсаал зохион байгуулна.

Төрийн ордон

14:00 цагт: “Нийгмийн ардчилал” Монголын эмэгтэйчүүдийн холбооноос “Хийжүүлсэн ундааны хэрэглээ-эрүүл мэндэд үзүүлэх сөрөг нөлөө” сэдэвт хэлэлцүүлэг зохион байгуулна. Утас: 93099444, 99629993