Үндэсний телевиз
Цагийн хүрд
Найм арваннэг
Умард Солонгосын засаг захиргаа иргэдээ “Америкийн хоригийн эсрэг үхлийн тулаан”-д бэлтгэхийг уриаллаа. “Манай улсын оршин тогтнох, хөгжих эрхийг үгүйсгэдэг дайсагнагч хүчнүүдийн зүгээс ирэх, урьд хожид байгаагүй "үхлийн" хориг, дарамт шахалтыг саармагжуулах аян нь амьдралын биш "үхлийн" тулаан байх болно” гэж “Минжү Чосон” сонинд мягмар гарагт бичжээ.
Тиймээс өнөөгийн бэрхшээлийг давуу тал болгон хувиргаж, өөрсдийн хүч, технологи дээрээ тулгуурлан эдийн засгийн хурдан өсөлтөд хүрэхийг уриалсан байна. БНАСАУ бусад орны нэг ч өдөр тэсэхээргүй "үхлийн" дарамт шахалттай учирсан гэж энэ хэвлэлд онцолсон байна.
Умард Солонгосын Төрийн зөвлөлийн дарга Ким Жон Ун ч хоригтой тэмцэхийг уриалж, тус улсын 2020 оны нэн тэргүүний зорилт бол эдийн засгийн хөгжил, иргэдийнхээ амьжиргааг нэмэгдүүлэх гэж тэмдэглэсэн юм.
| БНАСАУ-ын 2020 оны нэн тэргүүний зорилт эдийн засгийн хөгжил, иргэдийнхээ амьжиргааг нэмэгдүүлэх | ||
| Үзсэн: 710 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.