Үндэсний телевиз
Цагийн хүрд
Найм арваннэг
АНУ, БНХАУ-ын худалдааны гэрээний эхний үе шаттай холбоотой зарим тодорхой мэдээлэл ил боллоо. Энэ долоо хоногт гарын үсэг зурах магадлалтай худалдааны гэрээний эхний үе шатанд Бээжинд Америкийн дөрвөн салбарын бараа бүтээгдэхүүнийг хоёр жилийн хугацаанд 200 орчим тэрбум ам.доллараар худалдан авах үүргийг тусгасан гэж “Сөүт Чайна Моонинг Пост” сонинд бичжээ.
Тухайлбал, Америкийн аж үйлдвэрийн бараа бүтээгдэхүүнийг 75 тэрбум, эрчим хүч тээвэрлэгчийг 50 тэрбум, хөдөө аж ахуйн бараа бүтээгдэхүүнийг 40 тэрбум, мөн Америкийн компаниудын үйлчилгээг 35-40 тэрбум ам.доллараар хоёр жилийн дотор худалдан авах үүргийг Хятадын талд хүлээлгэжээ.
Дэлхийн хоёр том эдийн засаг болох АНУ, БНХАУ-ын хооронд худалдааны дайн үргэлжилж байгаагаас болж, хоёр улсын хоорондын худалдааны эргэлт өнгөрөгч 2019 онд 541.22 тэрбум ам.доллар болсон байна. Энэ нь 2018 оноос 14.6 хувиар буурсан үзүүлэлт гэж БНХАУ-ын Гаалийн ерөнхий газраас өнөөдөр гаргасан тайланд тэмдэглэсэн юм.
| АНУ, БНХАУ-ын худалдааны гэрээний эхний үе шаттай холбоотой зарим мэдээлэл тодорхой боллоо | ||
| Үзсэн: 731 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.