Шууд Chart

"Цөөвөр" хэмээх Цагаагчин Үхэр жилийн сар шинийн барилдаан үзэгчгүйгээр зохион байгуулагдана

2021-02-02 12:01:29

Монголын үндэсний бөхийн холбоо "Цөөвөр" хэмээх Цагаагчин Үхэр жилийн сар шинийн битүүнд болох уламжлалт барилдааныг Монгол бөхийн өргөөнд зохион байгуулахаар шийдвэрлэлээ. 

Цар тахлын улмаас улс аймгийн цолтой 128 бөхийн барилдаан үзэгчгүй байхаар төлөвлөж байгаа бөгөөд Улсын Онцгой Комисс, Нийслэлийн Онцгой Комиссоос гаргасан зөвлөмж, шийдвэр, журмыг чанд даган мөрдөх аж.

Төрт ёсны уламжлалт сар шинийн бөхийн барилдаанд үндэсний бөхийн цолтны төлөөлөлүүд оролцох бөгөөд нэрсийг маргааш УОК, НОК-д гаргаж өгөх бөгөөд үүнд ажиллах жаяг дэгийн баг, үйлчилгээний ажилтан, барилдах бөхчүүд заасан хуваарийг дагаж мөрдөнө гэж МҮБХ-ноос мэдээллээ. 

Нийтэлсэн: У.Баярсайхан

"Цөөвөр" хэмээх Цагаагчин Үхэр жилийн сар шинийн барилдаан үзэгчгүйгээр зохион байгуулагдана   
Үзсэн: 847 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй