Шууд Chart

ОХУ-аас Монгол Улсад суугаа Онц бөгөөд бүрэн эрхт Элчин сайд И.К.Азизов мэндчилгээ дэвшүүллээ

2021-05-09 09:48:25

ОХУ-аас Монгол Улсад суугаа Онц бөгөөд бүрэн эрхт Элчин сайд И.К.Азизовын Ялалтын баярын мэндчилгээг хүргэе. 

Эрхэм найз нар аа!

Эрхэм хүндэт Монгол, Орос ахмад дайчид аа!

Та бүхэнд Аугаа их Эх орны дайны Ялалтын 76 жилийн ойн баярын мэндийг хүргэе. Энэхүү гэгээн баяр нь хүн бүрийн хувь заяатай холбоотой билээ.

Бүгд Найрамдах Монгол Ард Улс дайны эхний өдрүүдээс эхлэн Зөвлөлт Холбоот Улсын түрэмгийлэгчийн эсрэг тэмцэлд бүх талын туслалцааг үзүүлж, дайчин нөхөрлөл нь манай хоёр ард түмний найрамдлын харилцаа холбоог улам бүр бэхжүүлсэн билээ. Чөлөөлөгч дайчид болон арын албаны ажилчдын өмнө бөхийн ёслое. Дайны талбараас буцаж ирээгүй, дайснаа ялахын төлөө алтан амиа золиосолсон хүмүүсийн гэгээн дурсгалыг хүндэтгэн дурсъя.

Бид Ялалтын баярыг үүрдийн үүрд тэмдэглэх болно. Цар тахал зэрэг аливаа бэрхшээл нь бидэнд саад болж чадахгүй. Бид дахин нүүр нүүрээ тулан, эсвэл онлайн хэлбэрээр цуглан, "Үхэшгүй мөнхийн хороо"-ны эгнээнд жагсан алхах болно.

Эрхэм хүндэт ахмад дайчид аа. Монголын болон Оросын ард иргэд ээ. Та бүхэнд баярын мэндийг дэвшүүлж, энх тайван, амар амгаланг хүсэн ерөөе.
Ялалтын баярын мэнд хүргэе! 


ОХУ-аас Монгол Улсад суугаа Онц бөгөөд бүрэн эрхт Элчин сайд И.К.Азизов мэндчилгээ дэвшүүллээ   
Үзсэн: 749 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй